కార్తీక మాసంలో పుణ్య‌క్షేత్రాల‌కు స్పెష‌ల్ బ‌స్సులు: ఆర్‌టిసి ఎండి సజ్జనార్
హైద‌రాబాద్ (CLiC2NEWS): కార్తీక మాసం మొద‌లైంది. దేవాల‌యాలన్నీ భ‌క్తుల‌తో కిట‌కిట‌లాడుతుంటాయి. ఈ నేప‌థ్యంలో ప్ర‌సిద్ధ పుణ్య‌క్షేత్రాల‌కు వెళ్లే భ‌క్తుల‌కు ప్ర‌త్యేక బ‌స్సుల‌ను ఏర్పాటు చేయ‌నున్న‌ట్లు ఆర్‌టిసి ఎండి సజ్జనార్ తెలిపారు. శ్రీ‌శైలం, వేముల‌వాడ, ధ‌ర్మ‌పురి, కీస‌ర‌గుట్ట త‌దిత‌ర దేవాల‌యాల‌కు హైద‌రాబాద్ నుండి స్పెష‌ల్ బ‌స్సుల‌ను న‌డ‌పున‌న్న‌ట్లు తెలిపారు. కార్తీక పౌర్ణ‌మి సంద‌ర్భంగా త‌మిళ‌నాడులోని అరుణాచ‌లం వెళ్లే భ‌క్తుల‌కు ప్ర‌త్యేక ప్యాకేజి అందిస్తున్నారు. అదేవిధంగా పంచారామ‌ల‌కు వెళ్లే వారి కోసం ప్ర‌తి సోమ‌వారం ప్ర‌త్యేక బ‌స్సుల‌ను న‌డుపుతున్నారు. ఈ బ‌స్సుల్లో ముంద‌స్తు రిజ‌ర్వేష‌న్ కోసం tgsrtcbus.in వెబ్‌సైట్‌లో చేసుకోవాల‌ని సూచించారు. మ‌రిన్ని వివ‌రాల‌కు 040-69440000, 040-23450033 ఫోన్ నెంబ‌ర్ల‌ను సంప్ర‌దించ‌గ‌ల‌రు