కుప్పంలో టిడిపి అధినేత చంద్ర‌బాబు రోడ్డుపై బైఠాయింపు
కుప్పంలో టిడిపి కార్యార్త‌ల‌పై లాఠీఛార్జ్..
కుప్పం (CLiC2NEWS): చిత్తూరు జిల్లా కుప్పంలో టిడిపి అధినేత చంద్ర‌బాబు ప‌ర్య‌ట‌న‌లో భాగంగా ప‌ట్ట‌ణంలోని బ‌స్టాండ్ వ‌ద్ద ఉన్న అన్నా క్యాంటీన్‌ను ప్రారంభించాల్సి ఉండ‌గా.. వైఎస్ ఆర్‌సిపి శ్రేణులు దాన్ని ధ్వంసం చేశాయి. దీంతో టిడిపి కార్య‌క‌ర్త‌లు కుప్పం చేరుకుని భారీ నిర‌స‌న ర్యాలీ చేప‌ట్టారు. ఈ ర్యాలీ ఆర్ అండ్‌బి గెస్ట్‌హౌస్ నుండి బ‌స్టాండ్ వ‌ర‌కు కొన‌సాగింది. ఎమ్మెల్సీ భ‌ర‌త్ ఇంటివైపు వెళ్లేందుకు టిడిపి శ్రేణులు యత్నించ‌గా.. పోలీసులు అడ్డుకున్నారు. ఈ క్ర‌మంలో పోలీసుల‌కు, కార్య‌క‌ర్త‌ల‌కు మ‌ధ్య తీవ్ర ఉద్రిక్త‌త నెల‌కొంది. పోలీసులు లాఠీఛార్జ్ చేయ‌డంతో ప‌లువురికి గాయాల‌య్యాయి. పోలీసుల తీరును నిర‌సిస్తూ చంద్ర‌బాబు అన్నా క్యాంటీన్ స‌మీపంలో రోడ్డుపై బైఠాయించి నిర‌స‌న తెలిపారు.