వ్య‌క్తిగ‌త జీవితంపై అసంతృప్తి..
అబ్ధుల్లాపూర్‌మెట్ (CLiC2NEWS): ఓ ఇంజినీరింగ్ కాలేజ్‌లో అసిస్టెంట్ ప్రొఫెస‌ర్‌గా విధులు నిర్వ‌హిస్తున్న వ్య‌క్తి.. త‌న వ్య‌క్తిగ‌త జీవితంపై విర‌క్తి క‌లిగి అదృశ్య‌మ‌య్యాడు.. పోలీసులు తెలిప‌న వివ‌రాల ప్ర‌కారం..
ఖ‌మ్మం చెందిన ఓ యువ‌కుడు ఓ ఇంజినీరింగ్ కాలేజీలో అసిస్టెంట్ ప్రొఫెస‌ర్‌గా విధులు నిర్వ‌ర్తిస్తూ.. హాస్ట‌ల్‌లో ఉంటున్నాడు. ఈ నెల 7వ తేదీన హాస్ట‌ల్ నుండి ఎవ్వ‌రికీ చెప్ప‌కుండా వెళ్లిపోయాడు. ఎంత‌కీ తిరిగి రాక‌పోవ‌డంతో హాస్ట‌ల్ నిర్వాహ‌కులు కుటుంబ సభ్యులకు స‌మాచార మిచ్చారు. త‌ల్లిదండ్రులు 17 వ తేదీన అబ్ధుల్లాపూర్‌మెట్ పోలీస్ స్టేష‌న్‌లో ఫిర్యాదు చేశారు.
అయితే ఆ యువ‌కుడు గ‌తంలో కూడా ఇదే మాదిరిగా ఇంటి నుండి వెళిపోయి కూలి ప‌నులు చేసిన‌ట్లు గుర్తించారు. ఊహించ‌న‌ట్లే మార్కెట్లో హ‌మాలి ప‌నులు చేస్తూ క‌నిపించిన యువ‌కుడిని పోలీసులు అదుపులోకి తీసుకొన్నారు.పోలీసులు 12 గంట‌ల వ్వ‌వ‌ధిలోనే అత‌న్ని గుర్తించి కుటుంబ సభ్యులకు అప్ప‌గించారు.