India Corona: 3 ల‌క్ష‌ల దిగువ‌కు కొత్త కేసులు
న్యూఢిల్లీ (CLiC2NEWS): దేశంలో క‌రోనా కేసులు భారీగా త‌గ్గాయి. గ‌త కొన్ని రోజులుగా ప్ర‌తీ రోజు మూడు ల‌క్ష‌ల‌కు పైగా కొత్త కేసులు న‌మోద‌వుతున్న విష‌యం తెలిసందే. నిన్న‌టితో పోలిస్తే 16 శాతం మేర కొత్త కేసులు క్షీణించాయి.
గ‌డిచిన 24 గంట‌ల వ్య‌వ‌ధిలో దేశంలో తాజా గా 2,55,874 క‌రోనా కేసులు న‌మోద‌య్యాయి. ఈ మేర‌కు మంగ‌ళ‌వారం కేంద్ర ఆరోగ్య‌శాఖ క‌రోనా బులిటెన్ విడుద‌ల చేసింది. తాజా కేసుల‌తో క‌లిపి దేశంలో మొత్తం 3,97,99,202 కేసులల‌కు పెరిగాయి.
ప్ర‌స్తుతం దేశంలో 22,36,842 కేసులు యాక్టివ్‌గా ఉన్నాయి.
గ‌డిచిన 24 గంట‌ల వ్య‌వ‌ధిలో క‌రోనాతో 614 మంది మృత్యువాత‌ప‌డ్డారు. వీరిలో అత్య‌ధికంగా కేర‌ళ‌లో 171 మ‌ర‌ణ‌లు చోటుచేసుకున్నాయి.
ఇప్ప‌టి వ‌ర‌కు దేశంలో 4,90,462 మంది మ‌ర‌ణించారు.
గ‌డిచిన 24 గంట‌ల వ్య‌వ‌ధిలో దేశంలో 2,67,753 మంది క‌రోనా నుంచి కోలుకున్నారు. ఇప్ప‌టి వ‌ర‌కు దేశంలో 3,70,71,898 మంది కరోన నుంచి కోలుకున్నారు.