విమానం గాల్లో ఉండ‌గా కుదుపులు.. భ‌యంతో ప్ర‌యాణికులు
ఢిల్లీ (CLiC2NEWS): స్పైస్‌జెట్‌కు చెందిన బోయింగ్ బి737 విమానంలో ప్ర‌యాణించిన‌వారికి భ‌యాన‌క ప‌రిస్థితి ఏర్ప‌డింది. ముంబ‌యి నుండి బెంగాల్‌లోని దుర్గాపూర్ న‌గ‌రానికి వెళ్తున్న విమానం వాతావ‌ర‌ణ మార్పులు కార‌ణంగా గాల్లో భారీగా కుదుపుల‌కు (ట‌ర్బ‌లెన్స్) లోనైంది. దీంతో ప్ర‌యాణికులు తీవ్ర భ‌యాందోళ‌న‌కు గుర‌య్యారు. విమానంలో ప్ర‌యాణిస్తున్న వారంతా భ‌యంతో హ‌డ‌లెత్తిపోయారు. ఈ ఘ‌ట‌న‌తో ప్ర‌యాణికుల వ‌స్తువులు ఎక్క‌డికక్క‌డ చెల్లాచెదురైపోయాయి.
ఈ ఘ‌ట‌న‌లో కొంత‌మందికి గాయాల‌య్యాయి. కొంద‌రికి త‌ల‌పై గాయాల‌వ‌డంతో కొన్ని కుట్లు కూడా ప‌డిన‌ట్లు డైరెక్ట‌రేట్ జ‌న‌ర‌ల్ ఆఫ్ సివిల్ ఏవియేష‌న్ తెలిపింది. ఒక ప్ర‌యాణికుడి వెన్నెముక‌కు గాయ‌మైంది. విమానం ల్యాండ్ అవుతున్న మ‌యంలో మూడు కుదుపుల‌కులోనైంది. దీంతో కారులో జ‌రిగే దానికంటే దీని ప్ర‌భావం తీవ్రంగా ఉన్న‌ట్లు త‌ల‌కు గాయ‌మైన ప్ర‌యాణికుడు తెలిపారు.