TS Corona: కొత్త‌గా 4 వేల‌కు పైనే కేసులు

హైద‌రాబాద్ (CLiC2NEWS): తెలంగాణ‌లో కొవిడ్ మ‌హమ్మారి విజృంభ‌ణ కొన‌సాగుతూనే ఉంది. కేసుల సంఖ్య రోజురోజుకి పెరిగిపోతోంది. గ‌డిచిన 24 గంట‌ల వ్య‌వ‌ధిలో 1,13,670 క‌రోనా నిర్ధార‌ణ ప‌రీక్ష‌లు నిర్వ‌హించ‌గా 4,559 మందికి క‌రోనా పాజిటివ్‌గా నిర్దార‌ణ అయింది.
గ‌డిచిన 24 గంట‌ల్లో రాష్ట్రంలో 1961 మంది క‌రోనా నుంచి కోలుకున్నారు.
అలాగే కొత్త‌గా మ‌రో ఇద్ద‌రు క‌రోనాతో మృత్యువాత ప‌డ్డారు.
రాష్ట్రంలో జిహెచ్ ఎంసి ప‌రిధిలోనే అత్య‌ధికంగా 1450 క‌రోనా కేసులు న‌మోద‌య్యాయి. ఆ త‌ర్వాత మేడ్చ‌ల్ మాల్కాజ్‌గిరిలో 432, రంగారెడ్డి 322, హ‌నుమ‌కొండ 201, ఖ‌మ్మం 145, క‌రీంన‌గ‌ర్ 112, న‌ల్ల‌గొండ 138 చొప్పున కేసులు న‌మోద‌య్యాయి.