తిరుమ‌ల శ్రీ‌వారికి భ‌క్తుల భారీ విరాళం..
తిరుప‌తి (CLiC2NEWS): తిరుమ‌ల శ్రీ వెంక‌టేశ్వ‌ర స్వామివారికి భ‌క్తులు భారీగా విరాళ‌లు అందించారు. త‌మిళ‌నాడుకు చెందిన ప‌లువురు భ‌క్తులు స్వామివారికి రూ.10 కోట్లు విరాళంగా అంద‌జేశారు. ఇలా ఒక్క రోజే భారీ స్థాయిలో విరాళం అందించ‌డం తిరుమ‌ల తిరుప‌తి దేవ‌స్థానం చ‌రిత్ర‌లో ఇదే తొలిసారి కావ‌డం విశేషం. త‌మిళ‌నాడులోని తిరున‌ల్వేలికి చెందిన భ‌క్తుడు గోపాల బాల‌కృష్ణ‌న్ టిటిడి నిర్వ‌హ‌ణ‌లో ఉన్న అన్న‌దానం స‌హా 7 ట్ర‌స్టుల‌కు రూ. 7 కోట్లు విరాళంగా అందించారు. ఎ స్టార్ టెస్టింగ్ అండ్ ఇన్‌స్పెక్ష‌న్ ప్రైవేటు లిమిటెడ్ సంస్థ రూ. కోటి, బాల‌కృష్ణ ప్యూయ‌ల్ స్టేష‌న్ సంస్థ శ్రీ‌వాణి ట్రస్టుకు రూ. కోటి, ఎస్వి వేద ప‌రిర‌క్ష‌ణ ట్రస్టుకు సీహ‌బ్ ఇన్‌స్పెక్ష‌న్ స‌ర్వీసెస్ సంస్థ రూ.కోటి విరాళంగా అందించారు.