మద్యం మత్తులో బావమరిదిని చంపిన బావ
దుండిగల్‌ (CLiC2NEWS): మద్యం మత్తులో బావమరిదిని హత్యచేశాడో బావ. ఈ దారుణ ఘ‌ట‌న మేడ్చల్‌ మల్కాజిగిరి జిల్లాలోని దుండిగల్‌ పరిధిలోని సూరారంలో జరిగింది. సూరారంకు చెందిన మైసయ్య, ఆంజనేయులు ఇద్దరు బావ, బావమర్దులు. ఇద్దరు కలిసి సూరారంలోని దయానంద్‌నగర్‌లో బుధవారం రాత్రి మద్యం తీసుకున్నారు.
తాగిన మైకంలో ఇద్దరిమధ్య మాట‌మాటా పెరిగింది. అది కాస్త చిన్న గొడ‌వ గా మారింది. ఈక్రమంలో ఆవేశంతో ఉన్న ఆంజనేయులును మద్యం మత్తులో మైసయ్య కత్తితో పొడిచాడు. దీంతో తీవ్రంగా గాయపడిన ఆంజనేయులు మృతిచెందాడు.
విష‌యం తెలుసుకున్న పోలీసులు మృతుడిని పోస్టుమార్టం నిమిత్తం ఆసుప‌త్రికి త‌ర‌లించారు. నిందితుడిని అదుపులోకి తీసుకుని ఘటనపై కేసు నమోదుచేసి దర్యాప్తు చేస్తున్నారు.