ఒంగోలులో విషాదం.. నీళ్ల ట్యాంకర్ ఢీకొని ముగ్గురు బాలుర దుర్మ‌ర‌ణం
ఒంగోలు (CLiC2NEWS): ప్ర‌కాశం జిల్లా ఒంగోలులో విషాదం చోటుచేసుకుంది. ఒంగోలులోని కొత్త ప‌ట్నం రోడ్డులో ఆదివారం ముగ్గురు బాలురు రోడ్డుప్రమాదానికి గుర‌య్యారు. వీరు ప్ర‌యాణిస్తున్న స్కూటీని నీళ్ల ట్యాంకర్ ఢీకొట్ట‌డంతో ప్ర‌మాదం జ‌రిగింది. దీంతో ముగ్గురు బాలురు ప్రాణాలు కోల్పోయారు. మ‌ర‌ణించిన వారు కొప్పోలు ద‌ళిత వాడ‌కు చెందిన వ‌డ్డే కోటేశ్వ‌ర‌మ్మ కుమారులు వికాస్‌, అశ్వినీ కుమార్ కాగా.. మ‌రొక‌రు రేష్మంత్ గా గుర్తించారు. వీరిలో ఒక‌రు అక్క‌డిక‌క్క‌డే మృతి చెంద‌గా.. మ‌రో ఇద్ద‌రు అస్ప‌త్రికి తీసుకెళ్లేలోపు ప్రాణాలు కోల్పోయిన‌ట్లు స‌మాచారం. వికాస్‌, అశ్వినీ కుమార్‌ల తండ్రి ఏడాది క్రితం మృతి చెందారు. చిన్నారుల మృతితో ఆప్రాంతంలో విషాద‌ఛాయ‌లు అలుముకున్నాయి.