కాకినాడ జిల్లాలో రోడ్డు ప్ర‌మాదం: ముగ్గురు అన్న‌ద‌మ్ములు దుర్మ‌ర‌ణం
కాకినాడ (CLiC2NEWS): కాకినాడ జిల్లాలలో ఆదివారం తెల్ల‌వారు జామున ఘోర రోడ్డు ప్ర‌మాదం చోటుచేసుకుంది. జిల్లాలోని గండేప‌ల్లి మండ‌లం మురారి రోడ్డు వ‌ద్ద అదుపుత‌ప్పి ప‌డిపోయిన బైక్‌ను గుర్తు తెలియ‌ని వాహ‌నం ఢీ కొట్టింది. ఈ ప్ర‌మాదంలో ముగ్గురు అన్న‌ద‌మ్ములు మృతిచెందారు. ఈ ఘ‌ట‌న‌లో త‌ల్లికి తీవ్ర‌గాయాలు అయ్యాయి. పోలీసులు తెలిపిన వివ‌రాల మేర‌కు బీమ‌వ‌రం మండ‌లం తాడేరుకు చెందిన నంగ‌లం దుర్గ ()40)కు ముగ్గురు కొడుకులు… రాజు (18), ఏసు (18), అఖిల్ (10) ఉన్నారు. వారంతా కూలి ప‌నులు చేసుకుని జీవ‌నం సాగిస్తున్నారు. ప‌నిపై న‌ర్సిప‌ట్ట‌ణం వెళ్లి బైక్‌పై తిరిగి వ‌స్తుండ‌గా ఆదివారం తెల్ల‌వారు జామున 4 గంట‌ల స‌మ‌యంలో గండేప‌ల్లి మండ‌లం మురారి వ‌ద్ద బైక్ అదుపు త‌ప్పి కింద ప‌డిపోయింది. ఆ స‌మ‌యంలో వెనుక‌నుండి వ‌స్తున్న గుర్తు తెలియ‌ని వాహ‌నం వారిపై నుండి వెళ్లిన‌ట్లు పోలీసులు అనుమానిస్తున్నారు. ఈ ప్ర‌మాదంలో రాజు, ఏసు, అఖిల్ ఘ‌ట‌నాస్థ‌లంలోని మృతిచెంద‌గా, త‌ల్లి దుర్గ‌కు తీవ్ర గాయాల‌య్యాయి. ఆమెను రాజ‌మ‌హేంద్ర‌వ‌రం ప్ర‌భుత్వాసుప‌త్రికి త‌ర‌లించిన‌ట్లు పోలీసులు తెలిపారు. ఘ‌ట‌న‌కు సంబంధించి పూర్తి వివ‌రాలు తెలియాల్సి ఉంది.