వైఎస్ఆర్ జిల్లాలో విషాదం.. ఒకే కుటుంబంలో ముగ్గురు ఆత్మ‌హ‌త్య
క‌డ‌ప (CLiC2NEWS): వైఎస్ ఆర్ క‌డ‌ప జిల్లాలో ఒకే కుటుంబానికి చెందిన ముగ్గురు ఆత్మ‌హ‌త్య చేసుకున్నారు. స్థానికులు తెలిపిన వివ‌రాల ప్ర‌కారం.. ఒంటిమిట్ట మండ‌లం కొత్త మాధ‌వ‌రంలో చేనేత కార్మికుడిగా ప‌నిచేస్తున్న సుబ్బారువు అత‌ని భార్య, కూమార్తె స‌హా ఆత్మ‌హ‌త్య చేసుకున్నారు. సుబ్బారావు భార్య, కుమార్తె ఇంట్లో ఆత్మ‌హ‌త్య చేసుకోగా.. సుబ్బారావు ఒంటిమిట్ట చెరువు క‌ట్ట స‌మీపంలో రైలు కింద‌ప‌డి బ‌ల‌వ‌న్మ‌ర‌ణానికి పాల్ప‌డ్డాడు.
ఘ‌ట‌నా స్థ‌లాన్ని ప‌రిశీలించిన పోలీసుల‌కు సైసైడ్ నోట్ దొరికింది. మూడెక‌రాల పొలం అమ్ముదామ‌ని అనుకున్నారు. కానీ రిఆకార్డులు తారుమారు కావ‌డంతో మ‌న‌స్తాపానికి గురై ఆత్మ‌హ‌త్య‌కు పాల్ప‌డిన‌ట్లు నోట్‌లో ఉంది. పొలం వేరే వాళ్ల పేరుతో రికార్డుల్లో ఉందని.. రెవెన్యూ అధికారులు మోసం చేశార‌ని, ఏమి చేయ‌లేని స్థితిలో చ‌నిపోతున్న‌ట్లు వారు అందులో పేర్కొన్నారు.