ఈ నెల 13న శ్రీ‌వారి ప్ర‌త్యేక దర్శనం టికెట్లు ఆన్‌లైన్ కోటా విడుద‌ల
తిరుమ‌ల (CLiCNEWS): ఫిబ్రవరి 13వ తేదీ ఉద‌యం 9 గంట‌ల‌కు శ్రీ‌వారి ప్ర‌త్యేక ప్ర‌వేశ దర్శనం ఆన్‌లైన్ కోటా టికెట్లు విడుద‌ల చేయ‌నున్న‌ట్లు టిటిడి ప్ర‌క‌టించింది. ఈ నెల 22 నుండి 28వరకు రూ 300ల ప్ర‌త్యేక దర్శనం కోటా టికెట్లు విడుద‌ల చేయ‌లేదు. శ్రీ‌వారి ఆల‌యంలో బాలాల‌యం కార్య‌క్ర‌మం వాయిదా ప‌డ‌టం వ‌ల‌న ఈ టికెట్లను విడుద‌ల చేయ‌డం నిలిపివేయ‌టంమైంద‌ని తెలిపారు. సోమ‌వారం విడుద‌ల చేయ‌నున్న‌ట్లు తిరుమ‌ల తిరుప‌తి దేవ‌స్థానం అధికారులు తెలిపారు.
అదేవిధంగా మార్చి నెల‌కు సంబంధించిన అంగ‌ప్ర‌ద‌క్షిణ టోకెన్లు.. వీటితో పాటు ఫిబ్రవరి 23 నుండి 28 వరకు విడుద‌ల చేయ‌ని కోటాను ఈనెల 11వ తేదీన ఉద‌యం 11 గంట‌ల‌కు ఆన్‌లైన్‌లో విడుద‌ల చేయ‌నున్న‌ట్లు తెలిపారు. వాటిని శ‌నివారం ఉద‌యం విడుద‌ల చేయ‌నున్న‌ట్లు తెలిపారు.