ఇంటివ‌ద్ద‌కే మామిడిపండ్లు.. టిఎస్ఆర్టీసీ బంప‌ర్ ఆఫ‌ర్‌

హైదరాబాద్ (CLiC2NEWS): మామిడిపండ్ల ప్రియుల‌కు టిఎస్ ఆర్టీసీ గుడ్‌న్యూస్ ప్ర‌క‌టించింది. ఇప్ప‌టి వ‌ర‌కు ర‌క‌ర‌కాల వ‌స్తువుల కార్గో, పార్శిల్ సేవ‌లు అందుబాటులోకి తెచ్చిన ఆర్టీసీ ఈ వేస‌విలో మామిడి పండ్లు హోండెలివ‌రీ చేయ‌నున్న‌ట్లు ప్ర‌క‌టించింది. మామిడిపండ్లు ఇంటివ‌ద్ద‌కు చేర్చ‌నున్న‌ట్లు ప్ర‌క‌టించింది. కిలో రూ. 115కు బంగిన‌ప‌ల్లి మామిడిపండ్లు తోట‌నుండి నేరుగా ఇండ్ల‌కు చేర్చ‌నున్న‌ట్లు టిఎస్ ఆర్టీసీ ఎండి స‌జ్జ‌నార్ మంగ‌ళ‌వారం తెలిపారు. క‌నీసం 5 కిలోలు బుక్‌చేసుకోవాల‌ని సూచించారు. 5,10,15,లేదా ట‌న్ను వ‌ర‌కు కూడా పార్శిల్ బుక్ చేసుకోవ‌చ్చ‌ని, బుక్ చేసిన వారం రోజుల్లో పార్శిల్‌ను ఇంటికి చేర్చుతామ‌ని పేర్కొన్నారు. బుకింగ్ కోసం www.tsrtcparcel.in వెబ్‌సైట్‌లో లేదా 040-2345003, 040-69440000 నంబ‌ర్లలో సంప్ర‌దించ‌వ‌చ్చని తెలిపారు.