తిరుమ‌ల వెళ్లే భ‌క్తుల‌కు టిటిడి శుభ‌వార్త..
తిరుమ‌ల (CLiC2NEWS): తిరుమ‌ల తిరుప‌తి దేవ‌స్థానం శ్రీ‌వారి భ‌క్తుల‌కు శుభ‌వార్త‌నందించింది. ఫిబ్ర‌వ‌రి 15వ తేదీ నుండి ఆఫ్ లైన్‌లో స‌ర్వ‌ద‌ర్శ‌నం టోకెన్లు జారీ చేయ‌నున్న‌ట్లు టిటిడి ఆదివారం ప్ర‌క‌టన‌లో తెలిపింది. క‌రోనా కార‌ణంగా శ్రీ‌వారి ద‌ర్శ‌నం టికెట్లు ఆఫ్‌లైన్ జారీ ప్ర‌క్రియ‌ను టిటిడి నిలిపివేసింది. ప్ర‌స్తుతం కొవిడ్ వ్యాప్తి త‌గ్గుముఖం ప‌ట్ట‌డంతో ఈ ప్ర‌క్రియ‌ను పున‌రుద్ధ‌రించాల‌ని నిర్ణ‌యించింది. ఈనెల 16వ తేదీ స‌ర్వ‌ద‌ర్శ‌నం కోసం 15వ తేదీ ఉద‌యం 9 గంట‌ల‌కు టోకెన్లు జారీ చేయ‌నున్న‌ట్లు ఆధికారులు తెల‌పారు. తిరుప‌తిలోని భూదేవి కాంప్లెక్స్, శ్రీ‌నివాసం కాంప్లెక్స్, శ్రీ గోవింద‌రాజ స్వామి స‌త్రాల్లో ఏర్పాటు చేసే కౌంట‌ర్ల ద్వారా టోకెన్లు జారీ చేయ‌నున్నారు.