వాంకిడి: నీటి మ‌డుగులో మునిగి న‌లుగురు మృతి

కొమ‌రం భీం జిల్లా వాంకిడిలో మండ‌లంలో విషాదం..

On Sep 13, 2025 0

వాంకిడి (CLiC2NEWS): నీటి మ‌డుగులో మునిగి న‌లుగురు ప్రాణాలు కోల్పోయారు. మ‌ర‌ణించిన వారిలో ముగ్గురు చిన్నారులు, మ‌హిళ ఉన్నారు. ఈ ఘ‌ట‌న‌ కొమ‌రం భీం జిల్లా వాంకిడి మండ‌లం డాబా గ్రామంలో చోటుచేసుకుంది. పోలీసులు తెలిపిన వివ‌రాల ప్ర‌కారం.. పొలంలో ప‌నిచేస్తూ నీటి కోసం ముగ్గురు చిన్నారులు నీటి మ‌డుగులోకి దిగారు. మునిగిపోతున్న చిన్నారుల‌ను కాపాడేందుకు ఓ మ‌హిళ నీటి కుంట‌లోకి దిగింది. కుంట‌లో మునిగి మ‌హిళ‌తో పాటు ఆమె కుమారుడు, మ‌రో ఇద్ద‌రు బాలిక‌లు ప్రాణాలు కోల్పోయారు. మృత దేహాల‌ను స్వాధీనం చేసుకున్న పోలీసులు పోస్ట్ మార్టం కోసం త‌ర‌లించారు. దీంతో డాబా గ్రామంలో విషాదఛాయ‌లు అలుముకున్నాయి.