ప్ర‌పంచంలో అతిపెద్దదైన విమానం ధ్వంసం..

ఉక్రెయిన్‌-ర‌ష్యా మ‌ధ్య జ‌రుగుతున్న యుద్ధంలో రష్యాబ‌ల‌గాల బాంబుల దాడికి ప్ర‌పంచంలోనే అతిపెద్ద‌దైన విమానం ఎఎన్‌-225 ‘మ్రియా ‘ధ్వంస‌మైంది. ర‌ష్యన్ సేన‌లు ఉక్రెయిన్‌లోని హోస్టోమెల్ విమానాశ్ర‌యంపై బాంబులు విసిరాయి. ఈ విషయాన్ని ఉక్రెయ‌న్ విదేశాంగ మంత్రి దిమిత్రో కులేబా ట్విట‌ర్ వేదిక‌గా సోమ‌వారం వెల్ల‌డించారు. ‘మ్రియా’ అంటే ఉక్రెయిన్ భాష‌లో ‘క‌ల’ అని అర్ధం. ఈ విమానాన్ని ఉక్రెయిన్‌కు చెందిన ఎరోనాటిక్స్ సంస్థ ఆంటొనోవ్ త‌యారు చేసింది.