తెలంగాణ‌లో అతిపెద్ద విదేశీ పెట్టుబడులు
హైద‌రాబాద్ : గురువారం ట్టిట్ట‌ర్‌లో చేప్పిన విధంగానే రాష్ర్టంలో పెట్టుబ‌డుల‌పై ఈ రోజు ఐటీ, ప‌రిశ్ర‌మ‌ల శాఖ మంత్రి కేటీఆర్ కీలక ప్రకటన చేశారు. ఈ రోజుఉద‌యం 11:30 గంట‌ల స‌మ‌యంలో ట్విట్ట‌ర్ వేదిక‌గా మంత్రి ఈ విష‌యాన్ని వెల్ల‌డించారు. తెలంగాణ చ‌రిత్ర‌లో అతిపెద్ద విదేశీ ప్ర‌త్య‌క్ష పెట్టుబడులు ప్ర‌క‌టించినందుకు సంతోషంగా ఉంద‌ని కేటీఆర్ ట్వీట్ చేశారు. అమెజాన్ వెబ్ సర్వీసెస్(AWS) రాష్ర్టంలో రూ. 20,761 కోట్ల పెట్టుబడులు పెట్ట‌నుంది. హైద‌రాబాద్‌లో 2022లో అమెజాన్ వెబ్ సర్వీసెస్ సంస్థ త‌న కార్య‌క‌లాపాల‌ను ప్రారంభించే అవ‌కాశం ఉంది. హైదరాబాదులో మూడు అవైలబిలిటీ జోన్లను ఏర్పాటు చేయనుంది. ప్రతి అవైలబిలిటీ జోన్లో అనేక డాటా సెంటర్ల ఏర్పాటు చేయనుంది. తెలంగాణ రాష్ర్ట ఏర్పాటు తర్వాత విదేశీ ప్ర‌త్య‌క్ష పెట్టుబడి ఇదే అని మంత్రి కేటీఆర్ స్ప‌ష్టం చేశారు. అమెజాన్ భారీ పెట్టుబ‌డిని స్వాగ‌తిస్తున్న‌ట్లు ఆయ‌న తెలిపారు. అమెజాన్ వెబ్ సర్వీసెస్ పెట్టుబడి తర్వాత తెలంగాణ డేటా సెంటర్ల పెట్టుబడులకు ఆకర్షణీయ గమ్యస్థానంగా మారుతుందని కేటీఆర్ విశ్వాసం వ్య‌క్తం చేశారు.
(రేపు మంత్రి కేటీఆర్ కీలక ప్రకటన)
Happy to announce the largest FDI in the history of Telangana! After a series of meetings, AWS has finalized investment of ₹20,761 Cr ($ 2.77 Bn) to set up multiple data centers in Telangana
The @AWSCloud Hyd Region is expected to be launched by mid 2022#HappeningHyderabad pic.twitter.com/XuGxFfSFsS
— KTR (@KTRTRS) November 6, 2020