దేశంలో 70 ల‌క్ష‌లు దాటిన రిక‌వ‌రీలు

న్యూఢిల్లీ: దేశంలో కొత్త‌గా న‌మోద‌య్యే క‌రోనా కేసులు త‌గ్గుముఖం పడుతున్నాయి. త 24 గంటల్లో 53,370 కొత్త కరోనా కేసులు నమోదు అయ్యాయి. 650 మంది వైర‌స్ సోకి మృత్యువాత‌ప‌డ్డారు. మొత్తం కేసుల సంఖ్య 78,14,682 చేరుకుందని కేంద్ర ఆరోగ్య శాఖ తెలిపింది. అదే సమయంలో 650 మంది మరణించడంతో మరణాల సంఖ్య 1,17,956కు చేరుకుందని ఆరోగ్య శాఖ పేర్కొంది. కాగా, దేశంలో 89.78 శాతం కరోనా రోగుల రికవరీ రేటు ఉండగా, మొత్తం కేసులలో యాక్టివ్ కేసుల శాతం 8.71 శాతం ఉంది. దేశంలో మొత్తం నమోదయిన కేసులలో 1.51 శాతానికి మరణాల రేటు తగ్గింది. గడచిన 24 గంటలలో దేశవ్యాప్తంగా 12,69,479 కరోనా టెస్టులు నిర్వహించారు. ఇక ఇప్పటి వరకు నిర్వహించిన మొత్తం కరోనా టెస్ట్ ల సంఖ్య 10,13,82,564. దేశవ్యాప్తంగా యాక్టివ్‌ కేసులు 6,80,680 ఉండగా, చికిత్స పొంది డిశ్చార్జ్‌ అయనవారి సంఖ్య 70,16,046గా ఉంది. వ‌రుస‌గా రెండో రోజు క్రీయాశీల కేసుల సంఖ్య 7 ల‌క్ష‌ల దిగువ‌న న‌మోదైంది.