యుపిలో రోడ్డు ప్రమాదం-ముగ్గురు దుర్మరణం
అజాంఘర్‌ : యుపిలోని అజాంఘర్‌ జిల్లాలో ఘోర రోడ్డు ప్రమాదంలో ముగ్గురు మృతిచెందారు. సిమెంట్‌లోడ్‌తో వెళ్తున్న లారీ అదుపుతప్పి ఎదురుగా నిర్మాణ కూలీలతో వస్తున్న వ్యాన్‌ను ఢీకొట్టి గుంతలో బోల్తాపడింది. ప్రమాదంలో వ్యాన్‌లో ప్రయాణిస్తున్న కూలీల్లో ముగ్గురు ఘటనా స్థలంలోనే మృతిచెందారు. కాగా ఈ ప్రమాదంలో ఏడుగురికి తీవ్ర గాయాలయ్యాయి. అజాంఘర్‌ జిల్లా జియాన్‌పూర్‌ పోలీస్‌ స్టేషన్‌ పరిధిలోని కేశవ్‌పూర్‌ వద్ద శనివారం అర్ధరాత్రి ఈ దుర్ఘటన జరిగింది.
గాయపడిన ఏడుగురిలో ముగ్గురి పరిస్థితి విషమంగా ఉన్నట్లు వైద్యులు పేర్కొన్నారు. కాగా ఈ ఘ‌ట‌న‌పై పోలీసులు కేసు న‌మోదు చేసుకొని ద‌ర్యాప్తు చేస్తున్నారు.