70 రోజుల్లోనే ప్రభాస్‌ ఆదిపురుష్‌ పూర్తి
హైద‌రాబాద్: ప్రభాష్‌ హీరోగా తాజా ప్రకటించిన ఆదిపురుష్‌ చిత్రం ఫస్ట్‌లుక్‌ సోషల్‌మీడియాలో విపరీతంగా ట్రెండ్‌ అవుతుంది. అయితే ఈ సినిమా షూటింగ్‌ను 2021లో ప్రారంభించి 2022లో విడుదల చేస్తామని దర్శకుడు ఓంరౌత్‌ తెలిపారు. ఇంత భారీస్థాయి చిత్రం ఇంత తక్కువ సమయంలో ఎలా తీసుకోస్తారా అని అందర్నీ ఆశ్చర్యపరిచారు. ఈ సినిమాకు కొత్త విషయం మరింత ఆశ్చర్యాన్ని కల్గిస్తోంది. దర్శకుడు ఓం రౌత్‌ ప్రభాస్‌ను ఆదిపురుష్‌ చిత్రం కోసం కేవలం 70 రోజుల కాల్షీట్లు మాత్రమే అడిగాడట. ఈ 70 రోజుల్లోనే ఈ సినిమా షూటింగ్‌ మొత్తం పూర్తవుతుంది. ఈ సినిమాను మొత్తం గ్రీన్‌ స్క్రీన్‌పై షూట్‌ చేయబోతున్నారు. సినిమాలో చాలా క్యారెక్టర్లను కంప్యూటర్‌ గ్రాఫిక్స్‌ ద్వారా రూపొందిస్తారు. దీంతో అతి తక్కువ సమయంలోనే ఈ సినిమా షూటింగ్‌ పూర్తవుతుందని ఓం రౌత్‌ ప్రభాస్‌కు వివరించాడట. అంతకుముందు అక్షయకుమార్‌ హీరోగా తాన్హజీ చిత్రాన్ని కూడా తక్కువ బడ్జెట్‌తో, తక్కువ సమయంలో ఓరరౌత్‌ నిర్మించారు.
కాగా చారిత్రాత్మక నాటకంగా వస్తున్న ఈ 3డీ యాక్షన్‌ డ్రామాలో ప్రభాస్‌ రాముడి పాత్రలో నటిస్తున్నట్లు తెలియగా.. సీత పాత్ర కోసం జాతీయ అవార్డు గ్రహీత కీర్తి సురేశ్‌ పేరు పరిశీలనలో ఉన్నట్లు సమాచారం. అయితే ఈ విషయమై సినిమా నిర్మాతల నుంచి ఇంకా ఎలాంటి అనౌన్స్‌మెంట్‌ రాలేదు. కీర్తిసురేశ్‌ ప్రస్తుతం మహేశ్‌బాబు హీరోగా నటిస్తున్న ‘సర్కారువారి పాట’లో హీరోయిన్‌గా నటిస్తోంది.