రామ్‌చ‌ర‌ణ్‌కు వేల్స్ యూనివ‌ర్సిటి నుండి గౌర‌వ డాక్ట‌రేట్‌

హైద‌రాబాద్ (CLiC2NEWS): ప్ర‌ముఖ సినీ హీరో రామ్‌చ‌ర‌ణ్‌కు చెన్నైకు చెందిన వేల్స్ విశ్వ‌విద్యాల‌యం గౌర‌వ డాక్ట‌రేట్ ప్ర‌క‌టించింది. రామ్‌చ‌ర‌ణ్‌ ప్ర‌పంచ వ్యాప్తంగా ఆర్ ఆర్ ఆర్‌తో విశేష ఆద‌ర‌ణ సొంతం చేసుకున్నారు. క‌ళా రంగానికి ఆయ‌న చేస్తున్న సేవ‌ల‌ను గుర్తించి డాక్ట‌రేట్ అందిస్తున్న‌ట్లు స‌మాచారం. ఈ నెల 13వ తేదీన వేల్స్ విశ్వ‌విద్యాల‌యం స్నాత‌కోత్స‌వానికి ఆయ‌న ముఖ్య అతిథిగా హాజ‌రుకానున్నారు. ఆయ‌న‌కు డాక్ట‌రేట్ ప్ర‌క‌టించ‌టంతో అభిమానులు సంతోషం వ్య‌క్తం చేస్తున్నారు. ఇక ప్ర‌స్తుతం రామ్‌చ‌ర‌ణ్ శంక‌ర్ ద‌ర్శ‌క‌త్వంలో గేమ్ ఛేంజ‌ర్‌లో న‌టిస్తున్నారు. ఈ చిత్రంలో కియారా అడ్వాణి క‌థానాయిక‌గా న‌టిస్తోంది. పాన్ ఇండియా స్థాయిలో సిద్ద‌మ‌వుతున్న ఈ చిత్రం వినాయ‌క చ‌వితి కానుక‌గా విడుద‌ల చేసే అవ‌కాశ‌మున్న‌ట్లు స‌మాచారం.