కళాకారులు (Folk artists)

On Feb 7, 2026 1

క్షణం క్షణం జారిపోతున్న ఇసుక రేణువులా

కనుమరుగై పోతున్నారు జానపద కళాకారులు

పల్లె జీవనం నుంచి పుట్టుకొచ్చిన జానపద కళలెన్నో

ఆధునిక వినోద సాధనాల వల్ల ఆదరణ తగ్గి

కనుమరుగై పోతున్నారు జానపద కళాకారులు

జానెడు పొట్ట నింపుకోవడానికి

పడరాని పాట్లు పడుతున్న

మోసం నేర్వని అమాయకులు

గుండెల్లో బాధలను దిగమింగుకుని

కట్టలు తెంచుకొని వస్తున్న కన్నీళ్లును

కనురెప్పల మాటున దాచుకొని

ప్రాచీన కళారూపాలను కాపాడుకుంటున్న

మోసం నేర్వని అమాయకులు

నా బిడ్డలకు శుభాకాంక్షలు, సన్మానాలు అక్కర్లేదు

బతుకు దెరువు చూపించండి చాలు

అంటుంది కళామ్మ తల్లి

ఓ పాలకుల్లారా అధికారుల్లారా

సంస్కృతి సాంప్రదాయాలకు వెన్నెముకైన

కళాకారుల బతుకులు చీకటి కమ్ముకుంటున్నాయి

వెలుగు జ్యోతి వెలిగించ మంటుంది కళామ్మ తల్లి.

– మంజుల పత్తిపాటి
మాజీ ఆలేరు వ్యవసాయ మార్కెట్ కమిటీ డైరెక్టర్
9347042218