విఎస్‌యు పూర్వ విద్యార్థుల సంఘం సమావేశం
నెల్లూరు (CLiC2NEWS): విశ్వవిద్యాలయ ప్రాంగ‌ణంలోని శ్రీపొట్టి శ్రీరాములు భవనం నందు బుధ‌వారం విశ్వవిద్యాలయ పూర్వ విద్యార్థులు సంఘం సభ్యుల మొదటి సమావేశం జరిగింది. ఈ సమావేశంలో పలు కీలక అంశాల పైన నిర్ణయాలను తీసుకొన్నారు.
ఈ సమావేశంలో రిజిస్ట్రార్ డాక్టర్ ఎల్. విజయ కృష్ణారెడ్డి గౌరవ అధ్యక్షులుగా పాల్గొన్నారు. శ్రీమతి కవిత అధ్యక్షురాలిగా, వివేకానంద వైస్ ప్రెసిడెంట్ గా, రేవతి ట్రెజర్ గా మరియు కలందర్ సభ్యునిగా నియమితులయ్యారు. ఈ సమావేశంలో పూర్వ విద్యార్థులచే సభ్యత్వం నమోదు చేయించాలని, అలాగే అధ్యాపకుల చే అడ్వైజరీ కమిటీ వేయాలని నిర్ణయించారు. కార్యాచరణలో ముందుగా 5 కె రన్ ను నిర్వహించాలని నిశ్చయించారు.
సమావేశం అనంతరం విశ్వవిద్యాలయం ఉపకులపతి ఆచార్య జి.యం. సుందరవల్లి తో సమావేశం అయ్యారు. విశ్వవిద్యాలయ అభివృద్ధిలో పూర్వవిద్యార్థులు పాత్ర కీలకమని, కనుక వి ఎస్ యు అభివృద్ధిలో పూర్వ విద్యార్థులందరూ ముందుకు రావాలని కోరారు.