భ‌ద్రాద్రి: రేప‌టి నుండి ఆన్‌లైన్‌లో వైకుంఠ ఏకాద‌శి టిక్కెట్లు ..

భ‌ద్రాద్రి (CLiC2NEWS): డిసెంబ‌ర్ 23వ తేదీన వైకుంఠ ఏకాదశి సంద‌ర్భంగా భ‌ద్రాద్రి శ్రీ‌సీతార‌మాచంద్ర స్వామివారి ద‌ర్శ‌న‌ టికెట్లు ఆన్‌లైన్‌లో విడుద‌ల చేయ‌నున్నారు. వైకుంఠ ఏకాద‌శి ఉత్త‌ర ద్వార ద‌ర్శ‌నం క‌ల్పించేందుకు వీలుగా ఏర్పాట్లు చేస్తున్నారు. బుధ‌వారం నుండి ఈ ద‌ర్శన‌ టికెట్లు రూ. 250, 500, 1000, 2000 ల‌లో అందుబాటులోకి రానున్నాయి. ప్ర‌త్య‌క్ష ద‌ర్శ‌నానికి రాలేని భ‌క్తులు.. ప‌రోక్ష సేవ‌ల కోసం https://bhadradritemple.telangana.gov.in/ వెబ్‌సైట్ ద్వారా రూ. 1000, రూ. 2000ల టికెట్ల‌ను 22వ తేదీ ఉద‌యం 11 గంట‌ల‌కు బుక్ చేసుకోగ‌ల‌రు. ఆన్‌లైన్‌లో టికెట్లు పొందిన భ‌క్తులు దేవ‌స్థాన తాపీ క‌ల్యాణ‌మండ‌పం కార్యాల‌యంలో డిసెంబ‌ర్ 13 వ తేదీ నుండి 13 వ తేదీ వ‌ర‌కు ఓరిజ‌న‌ల్ టికెట్లు పొంద‌వ‌చ్చ‌ని ఆల‌య ఇఒ ఎల్‌. ర‌మాదేవి ప్ర‌క‌ట‌న‌లో తెలిపారు.