సింగ‌రేణి కార్మికులు బోన‌స్

On Sep 22, 2025 2

హైద‌రాబాద్‌(CLiC2NEWS): తెలంగాణలోని సింగ‌రేణి కార్మికుల‌కు స‌ర్కార్ శుభ‌వార్త చెప్పింది. కార్మికుల‌కు బోన‌స్‌ను స‌ర్కార్ ప్ర‌క‌టించింది. సంస్థ‌లాభాల్లో 34% కార్మికుల‌కు అంద‌జేయాల‌ని ప్ర‌భుత్వం నిర్ణ‌యించింది. ఈ మేర‌కు హైద‌రాబాద్ లో మంత్రుల‌తో క‌లిసి మీడియాతో ఈ విష‌యాన్ని వెల్ల‌డించారు.

ఈ లెక్క‌న ఒక్కో కార్మికుడికి బోన‌స్‌గా రూ. 1,95, 610 ఇవ్వ‌నున్న‌ట్లు తెలిపింది. కాంట్రాక్టు కార్మికుల‌కు కూడా బోన‌స్ చెల్లిస్తామ‌ని డిప్యూటీ సిఎం భ‌ట్టి తెలిపారు. వీరికి బోన‌స్ ఇవ్వ‌డం చ‌రిత్ర‌లోనే తొలిసారిగా పేర్కొన్నారు.

ఈ సంద‌ర్భంగా సిఎం రేవంత్ మాట్లాడుతూ.. తెలంగాణ సాధ‌న‌లో సింగ‌రేణి కార్మికుల పాత్ర మ‌రువ‌లేనిదని అన్నారు. కార్మికుల‌కు బోన‌స్ పంచుతూనే భ‌విష్య‌త్ ప్ర‌ణాళిక‌లు రూపొందిస్తున్న‌మ‌ని తెలిపారు. మా పార్టీ అధికారంలోకి వ‌చ్చాక సింగ‌రేణి కాంట్రాక్టు ఉద్యోగుల‌కు కూడా బోన‌స్ ఇస్తున్నామ‌ని తెలిపారు.