AP Corona: 20 వేలకు పైగా కేసులు.. 96 మరణాలు

అమ‌రావ‌తి (CLiC2NEWS): ఆంధ్రప్రదేశ్ లో కరోనా సెకండ్ వేవ్ విజృంభిస్తోంది. మ‌ళ్లీ రాష్ట్రంలో కేసులు 20 వేలు దాటిపోయాయి. గ‌త 24 గంటల్లో 1,10.571 కరోనా టెస్టులు నిర్వహించగా 20,065 కేసులు నమోదయ్యాయి. ఈ మేర‌కు శ‌నివారం వైద్యారోగ్యశాఖ కార్యదర్శి అశోక్ సింఘాల్ పేర్కొన్నారు. రాష్ట్రంలో మొత్తం 19.75 శాతం పాజిటివిటి రేటు ఉన్నట్టు అశోక్ సింఘాల్ తెలిపారు. విశాఖలో అత్యధికంగా 2525 కేసులు నమోదుకాగా, తూర్పు గోదావరి జిల్లాలో 2370, చిత్తూరు జిల్లాలో 2269 కేసులు నమోదయ్యాయి. మూడు జిల్లాల్లో కేసులు పెద్ద సంఖ్యలో నమోదవుతున్నాయి. కరోనాతో 24 గంటల్లో పశ్చిమ గోదావరి జిల్లాలో 14 మంది మరణించగా, విశాఖలో 12, అనంత‌పురం 10, గుంటూరు 10, తూర్పుగోదావ‌రి 9, విజ‌య‌న‌గ‌రం 9, క‌ర్నూలు 7, నెల్లూరు 7, చిత్తూరు 6, క‌డ‌ప 5, కృష్ణా 4, శ్రీ‌కాకుళం 3 చొప్పున మృత్యువాత ప‌డ్డారు. దీంతో రాష్ట్రంలో క‌రోనా బారిన ప‌డి చ‌నిపోయిన వారి సంఖ్య 8615కి చేరింది.