గొప్పమనసు చాటుకున్న నవదీప్
హైద‌రాబాద్: లాక్‌డౌన్ మొద‌లైన నాటినుండి సోనూసూద్ లాంటి ఎందరో న‌టులు ఈ కరోనా టైమ్‌లో చేసిన సహాయం వాళ్ల‌ని రియల్‌ హీరోల‌ని చేసింది. ఇప్ప‌టికే ఎందరో హీరోలు, హీరోయిన్లు, క్యారెక్టర్‌ ఆర్టిస్ట్‌లు తమవంతు సాయం అందించి వారి గొప్పమనసు చాటుకున్నారు. తాజాగాహీరో నవదీప్ తన గొప్పమనసు చాటుకున్నాడు. అనాథ పిల్లలకు అవసరమైన వాటిని ఒక కిట్‌గా చేర్చి.. దాదాపు 350 కిట్లను నవదీప్ సీపీ సజ్జనార్‌కు అందజేశారు. అనాథల సంక్షేమం కోసం ఆయన చేసిన ఈ ప్రయత్నాన్ని అభినందిస్తున్నట్లుగానూ, ఆయన ఇచ్చిన 350 కిట్లను సీపీ సజ్జనార్‌కి చేరినట్లుగా తెలుపుతూ.. సైబరాబాద్‌ పోలీస్‌ అధికారిక ట్విట్టర్లో తెలిపారు. దీనికిగానూ నవదీప్‌ను సీపీ సజ్జనార్‌ సత్కరించినట్లుగా ఓ ఫొటోని కూడా ట్విట్టర్లో పోస్టు చేశారు.
#Actor #Navadeep contribution to #Orphanage #CP_Cyberabad appreciated the generosity of the Navadeep
In a bid to help the Orphanage Children, on (17.11.2020) donated #350Hygienic Kits for the welfare of the Orphanage. The kits were handed over to Shri VC Sajjanar, IPS., pic.twitter.com/XSGV7upTVD— Cyberabad Police (@cyberabadpolice) November 17, 2020