తెలంగాణలో కొత్తగా 2,009 కరోనా కేసులు
హైదరాబాద్‌ : రాష్ట్రంలో నిన్న రాత్రి 8 గంట‌ల వ‌ర‌కు 54098 కరోనా నిర్ధారణ పరీక్షలు నిర్వ‌హించ‌గా 2009 పాజిటివ్ కేసులు నమోదయ్యాయి.ఈ మేర‌కు వైద్య ఆరోగ్యశాఖ శుక్ర‌వారం ఉద‌యం బులిటెన్ వెడుద‌ల చేసింది. ఇందులో ఒక్క గ్రేటర్‌ హైదరాబాద్‌ మున్సిపల్‌ కార్పొరేషన్‌ పరిధిలోనే 293 నమోదయ్యాయి. ఇప్పటివరకు రాష్ట్రంలో 1,95,609 మందికి కరోనా పాజిటివ్‌గా నిర్ధారణ కాగా, వైరస్‌ ప్రభావంతో ఇవాళ 10 మంది మృతి చెందగా మొత్తం మరణించిన వారి సంఖ్య 1145కు చేరింది.
ఇవాళ 2437 మంది చికిత్సకు కోలుకొని ఇండ్లకు వెళ్లగా మొత్తం 1,65,844 మంది డిశ్చార్జి అయ్యారు. మరో 28,320 మంది దవాఖానల్లో చికిత్స పొందుతుండగా..హోం ఐసోలేషన్‌లో 23,372 మంది ఉన్నారు. రాష్ట్రంలో కరోనా మరణాల రేటు 0.58 శాతంగా ఉండగా రికవరీ రేటు 84.78గా ఉంది. గడిచిన 24 గంటల్లో రాష్ట్రంలో 54,098 మందికి కరోనా నిర్ధారణ పరీక్షలు చేయగా మొత్తం 31,04,542 టెస్టులు పూర్తి చేసినట్లు వైద్య ఆరోగ్యశాఖ అధికారులు వెడుద‌ల చేసిన బులిటెన్‌లో పేర్కొన్నారు.
