ప్ర‌కాశం జిల్లాలో ముగ్గురు విద్యార్థుల అదృశ్య‌మైన ఘ‌ట‌న విషాదాంతం
టంగుటూరు (CLiC2NEWS): ఆదివారం క్రికెట్ ఆడుకోవాడానికి వెళ్లి క‌నిపించ‌కుండా పోయిన ముగ్గురు విద్యార్థులు విగతజీవులుగా మారారు. ప్ర‌కాశం జిల్లా టంగుటూరు మండ‌లం నిడ‌మానూరులో ముగ్గురు విద్యార్థులు ఆడుకోవడానికి మూసీ వాగు వ‌ద్ద‌కు వెళ్లారు. సాయంత్రమైనా ఇంటికి రాక‌పోయేస‌రికి త‌ల్లిదండ్రులు ఆందోళ‌న‌తో కాల‌నీ వాసుల‌తో క‌ల‌పి గాలించారు. ప్ర‌యోజ‌నం లేక‌పోవ‌డంతో మూసీ వాగు వ‌ద్ద‌కు వ‌చ్చిన‌ట్టు తెలుసుకొని అక్క‌డ కూడా వెతికారు. స‌మాచారం అందుకున్న పోలీసులు ప్ర‌త్యేక ద‌ళాల‌తో గాలింపు చ‌ర్య‌లు చేప‌ట్టారు. అయినా విద్యార్ధుల ఆచూకీ దొర‌క‌లేదు. ఈ రోజు మ‌రోసారి గాలించగా మృత‌దేహాలు ల‌భ్య‌మ‌య్యియి. విగతజీవులుగా మారిన త‌మ పిల్ల‌ల‌ను చూసి త‌ల్లిదండ్రులు క‌న్నీరుమున్నీరుగా విల‌పిస్తున్నారు.