సికింద్రాబాద్‌లో అగ్నిప్ర‌మాదం.. ఆరుగురు మృతి
సికింద్రాబాద్ (CLiC2NEWS): సికింద్రాబాద్‌లోని ర‌ద్దీగా ఉండే స్వ‌ప్న‌లోక్ కాంప్లెక్స్తలో భారీ అగ్నిప్ర‌మాదం జ‌రిగింది. ఈ ఘ‌ట‌న‌లో ఆరుగు మృతి చెందారు.. మృతుల్లో న‌లుగురు మ‌హిళ‌లు. మృతి చెందిన వారిని ప్ర‌మీల, వెన్నెల, త్రివేణి, శివ, ప్ర‌శాంత్‌గా గుర్తించారు. మృతుల్లో వ‌రంగ‌ల్ కు చెందిన ముగ్గురు, మ‌హ‌బూబాబాద్ కు చెందిన ఇద్ద‌రు. ఖ‌మ్మం వాసులు ఒక‌రు ఉన్నారు. ఈ ప్ర‌మాదంలో క్ష‌త‌గాత్రుల‌ను ఆసుప‌త్రికి త‌ర‌లించారు.
మొద‌ట భ‌వ‌నంలో మంటలు చెల‌రేగ‌డంతో 4, 5, 6 అంత‌స‌త్తుల‌కు మంటు వ్యాపించాయి. విష‌యం తెలుసుకున్న పోలీసులు, ఫైర్ సిబ్బంది స‌హాయ‌క చ‌ర్య‌లు చేప‌ట్టారు. అగ్నిమాప‌క సిబ్బంది మూడు అగ్నిమాప‌క యంత్రాల‌తో మంటలు ఆర్పేందుకు ప్ర‌య‌త్నిస్తున్నారు. ఇప్ప‌టివ‌ర‌కు కాంప్లెక్స్‌లో చిక్కుకున్న ఏడుగురిని సిబ్బంది ర‌క్షించారు. దాదాపు నాలుగు గంట‌ల పాటు శ్ర‌మించి అగ్నిమాప‌క సిబ్బంది మంట‌ల‌ను అదుపులోకి తెచ్చారు. కాగా ప్ర‌మాదం జ‌రిగిన స్థ‌లాన్ని మంత్రులు మ‌హ‌మూద్ అలీ, త‌ల‌సాని శ్రీ‌నివాస్ యాద‌వ్ ప‌రిశీలించారు.