సికింద్రాబాద్ ముత్యాలమ్మ గుడివద్ద పేలుడు
హైదరాబాద్‌: సికింద్రాబాద్ ముత్యాలమ్మ దేవాలయం వద్ద పేలుడు సంభవించడంతో స్థానికులు తీవ్ర భయాందోళనలకు లోనయ్యారు. ఈ ఘ‌ట‌న‌లో ఒక‌రికి తీవ్ర గాయాల‌య్య‌యి. అత‌డిని గాంధీ ఆసుప‌త్రికి తరలించారు. ముత్యాలమ్మ దేవాలయం వద్ద ఉన్న చెత్త కుప్పలో పెయింట్ డబ్బాను చెత్త ఎత్తుకునే వ్యక్తి ఓపెన్ చేసే ప్రయత్నం చేయగా, ఒక్కసారిగా పేలుడు సంభవించింది. దీంతో అతడు గాయాలపాలయ్యాడు. విష‌యం తెలుసుకున్న పోలీసులు సంఘటనా స్థలానికి చేరుకొని గాయపడిన వ్యక్తిని హుటాహుటిన గాంధీకి తరలించారు. అక్కడకు చేరుకున్న బాంబు స్క్వాడ్‌ సంఘటనా స్థలాన్ని పరిశీలించి టిన్నర్‌ డబ్బా పేలిందని, ప్ర‌మాదం లేద‌ని తేల్చ‌డంతో అందరూ ఊపిరి పీల్చుకున్నారు. ఈ ఘ‌ట‌న‌ల‌తో ఒక్కసారిగా ఆ ప్రాంత‌వాసులు తీవ్ర భయాందోళనలకు లోనయ్యారు.