తెలంగాణ‌లో కొత్త‌గా 993 క‌రోనా కేసులు

హైద‌రాబాద్‌: తెలంగాణ రాష్ట్రంలో నిన్న రాత్రి 8 గంట‌ల వ‌ర‌కు 47,593 మందికి క‌రోనా నిర్ధార‌ణ ప‌రీక్ష‌లు నిర్వ‌హించ‌గా 993 పాజిటీవ్ కేసులు నమోదయ్యాయి. కరోనాతో నలుగురు మృతి చెందారు. రాష్ట్రంలో ఇప్పటి వరకు నమోదైన మొత్తం కరోనా కేసుల సంఖ్య 2,66,042కి చేరింది. ఇందులో 2,53,715 మంది కోలుకొని డిశ్చార్జ్ కాగా, 10,886 కేసులు యాక్టివ్ గా ఉన్నాయి. ఈ మేర‌కు తెలంగాణ ఆరోగ్యశాఖ కరోనా బులెటిన్ ను రిలీజ్ చేసింది. తెలంగాణలో ఇప్పటి వరకు నమోదైన మొత్తం మరణాల సంఖ్య 1441కి చేరింది. దేశంలో కరోనా పాజిటివ్ కేసులు క్రమంగా తగ్గుముఖం పడుతున్నాయి. కరోనా కేసులు తగ్గుముఖం పడుతున్నా సెకండ్ వేవ్ ముప్పు పొంచి ఉండటంతో జాగ్రత్తగా ఉండాలని కేంద్రం ఇప్పటికే హెచ్చరించింది.