ఇలాగే ముందుకు వెళ్లాల‌ని చెప్పారు: బ‌ండి

న్యూఢిల్లీ: గ్రేట‌ర్ హైద‌రాబాద్ ఫ‌లితాల‌పై రాష్ట్ర నేత‌ల‌ను కేంద్ర హోంమంత్రి అమిత్‌షా అభినందించార‌ని.. భ‌విష్య‌త్‌లో జ‌రిగే ఎన్నిక‌ల్లోనూ ఇదే దూకుడుతో వెళ్లాల‌ని ఆయ‌న సూచించారని బిజెపి రాష్ట్ర అధ్య‌క్షుడు, ఎంపి బండి సంజ‌య్ తెలిపారు. అమిత్‌షాతో ప్ర‌ముఖ సినీ న‌టి, మాజీ ఎంపి విజ‌య‌శాంతి భేటీ అనంత‌రం ఆయ‌న మీడియాతో మాట్లాడారు. టిఆర్ ఎస్ ప్ర‌జావ్య‌తిరేక విధానాల‌పై బిజెపి పోరాటం చేస్తుంద‌న్నారు. తెలంగాణ‌లో అస‌లైన ఉద్య‌మ‌కారుల‌ను టిఆర్ ఎస్ విస్మ‌రిస్తోంద‌ని ఆరోపించారు. ఈ వైఖ‌రి కార‌ణంగానే వారు బిజెపిలోకి వ‌స్తున్నార‌ని చెప్పారు. తెలంగాణ ఉద్యమంలో విజ‌య‌శాంతి కీల‌క పాత్ర పోషించార‌ని, రేపు ఉద‌యం 11 గంట‌ల‌కు ఆమె బిజెపిలో చేర‌తార‌ని బండి సంజ‌య్ తెలిప‌రు.