అభిమానుల‌కు డబుల్ ధ‌మాకా
నిజంగానే డబుల్ ధ‌మాకా.. అదేనండి ప‌వ‌ర్ స్టార్ అభిమానుల‌కు…. ప‌వ‌ర్ స్టార్ ప‌వ‌న్ క‌ల్యాణ్ బ‌ర్త్‌డే సంద‌ర్భంగా అభిమానుల‌కు మ‌రో స‌ర్‌ప్రైజ్ వ‌చ్చేసింది. ప‌వ‌ర్‌స్టార్ పవన్కల్యాణ్ 27వ సినిమా అధికారిక ప్ర‌క‌ట‌న వెలువ‌డింది. క్రిష్ ద‌ర్శ‌క‌త్వంలో తెర‌కెక్కుతోన్న ఈ సినిమా షూటింగ్ ప్రారంభమైంది. క‌రోనా రావ‌డంతో షూటింగ్ ఆగింది. ప‌వ‌న్ పుట్టిన‌రోజు సంద‌ర్భంగా ఈ సినిమా ప్రీ లుక్ పోస్ట‌ర్‌ను చిత్ర యూనిట్ విడుద‌ల చేసింది. మెగా సూర్య ప్రొడ‌క్ష‌న్స్ బ్యాన‌ర్‌పై ఎ.ఎం.ర‌త్నం ఈ చిత్రాన్ని నిర్మిస్తున్నారు.
ఉంగ‌రాలు, చేతికి క‌డియం, గ‌రుత్మంతుడు బొమ్మ…తో ప్రీ లుక్ పీరియాడిక్ చిత్రంలా అనిపిస్తుంది. ఈ వేష‌ధార‌ణ చూస్తుంటే ఇదేదో రాబిన్‌హుడ్ పాత్ర‌లా అనిపిస్తోంది. ‘‘పవన్‌క‌ల్యాణ్‌గారు మీ 27వ చిత్రం పదిహేన్రోజుల షూటింగ్ ప్రతిక్షణం టీం అందరికీ గొప్ప జ్ఞాపకంలా కదులుతుంది. చిరస్థాయిగా నిలిచే విజయం కంటికి కనిపిస్తుంది. ఇందుకు కారణం మీరు, మీ ప్రోత్సాహం, మీ సహృదయం..ఎప్పటికీ ఇలాగే కోట్లాది జనం శుభాకాంక్షలు అందుకుంటుండాలని ఆశిస్తూ.. హ్యాపీ బ‌ర్త్ డే పవన్కల్యాణ్’’ అని క్రిష్ ట్వీట్ చేశారు. కాగా ఈ సినిమా షూటింగ్ ఇదివ‌ర‌కే ప్రారంభమైంది. కానీ లాక్‌డౌన్ కార‌ణంగా చిత్రీక‌ర‌ణ తాత్కాలికంగా వాయిదా ప‌డింది. సినిమా క‌థ విష‌యానికొస్తే మొఘ‌ల్ సామ్రాజ్యం నేప‌థ్యంలో పీరియాడిక‌ల్ డ్రామాగా రూపుదిద్దుకోనుంద‌ని భోగ‌ట్టా. ఈ సినిమాకు కీర‌వాణి సంగీతం అందిస్తున్నారు. జ్ఞాన‌శేఖ‌ర్ సినిమాటోగ్ర‌ఫీ అందిస్తున్నారు. మెగా సూర్య ప్రొడ‌క్ష‌న్ బ్యాన‌ర్‌పై ఏఎం ర‌త్నం నిర్మిస్తున్నారు. రామ్ ల‌క్ష్మ‌ణ్ ఫైట్లు కంపోజ్ చేస్తున్నారు.
(ప‌వ‌ర్ స్టార్ బ‌ర్త్‌డే: అభిమానుల‌కు ట్రీట్‌)
@PawanKalyan గారు, #PSPK27 పదిహేన్రోజుల షూటింగ్ ప్రతిక్షణం టీం అందరికీ గొప్ప జ్ఞాపకంలా కదులుతుంది..
చిరస్థాయిగా నిలిచే విజయం కంటికి కనిపిస్తుంది..
ఇందుకు కారణం మీరు, మీ ప్రోత్సాహం, మీ సహృదయం..
ఎప్పటికీ ఇలాగే కోట్లాది జనం శుభాకాంక్షలు అందుకుంటుండాలని ఆశిస్తూ #HBDPawanKalyan pic.twitter.com/PCVhIO3uxm— Krish Jagarlamudi (@DirKrish) September 2, 2020