బంజారాహిల్స్‌లో గుట్టలుగా నోట్ల క‌ట్ట‌లు
హైదరాబాద్: నగరంలో గుట్టలుగా నోట్ల క‌ట్ట‌లు బ‌య‌ట‌ప‌డ్డాయి. భారీగా త‌ర‌లిస్తున్న న‌గ‌దును టాస్క్‌ఫోర్స్ పోలీసులు స్వాధీనం చేసుకున్నారు. 3 కోట్ల 75 లక్షల హవాలా డబ్బును టాస్క్ ఫోర్స్ పోలీసులు బంజారాహిల్స్‌లో మంగళవారం పట్టుకున్నారు. దీనికి సంబంధించిన వివ‌రాల‌ను హైదరాబాద్ కమిషనర్‌ అంజనీ కుమార్ మీడియాకు వెల్లడించారు. వెస్ట్‌జోన్‌లోని బంజారాహిల్స్ రోడ్ నెంబర్‌ 12 లో ఓ కారులో నలుగురు వ్యక్తులు డబ్బులను తరలిస్తుండగా పట్టుకున్నామని కమిషనర్‌ తెలిపారు. ఈశ్వర్ దిలీప్ జీ, హరీష్ రామ్ బాయ్, అజిత్ సింగ్, రాథోడ్‌ అనే ముగ్గురు నిందితులను అరెస్ట్ చేశామని వెల్లడించారు. ఈ డబ్బులు ఎక్కడ నుండి తీసుకొచ్చారు, ఎక్కడ ఇవ్వాలని అనుకుంటున్నారు అనేది దర్యాప్తు చేస్తున్నామన్నారు. హవాలా డబ్బు తో పాటు నిందితులను ఆదాయపన్ను శాఖ కు అప్పగిస్తున్నామని చెప్పారు. విచారణలో మరిన్ని విషయాలు వెల్ల‌డ‌య్యే అవ‌కాశం ఉంద‌న్నారు.
