టీ-20 జట్టుకు మద్దతుగా ప్రపంచంలోనే అతిపెద్ద క్రికెట్ బ్యాట్ ఆవిష్కరణ!
హైదరాబాద్ (CLiC2NEWS): పెర్నోడ్ రికార్డ్ ఇండియా (ప్రై) లిమిటెడ్ రూపొందించిన గిన్నిస్ వరల్డ్ రికార్డ్ సర్టిఫికెట్ను పొందిన ప్రపంచంలోనే అతిపెద్ద క్రికెట్ బ్యాట్ ను తెలంగాణ ప్రభుత్వం, ఎమ్ఎ & యూడి ముఖ్య కార్యదర్శి, ఐ & పిఆర్, కమీషనర్, శ్రీ అరవింద్ కుమార్ ఈ కార్యక్రమానికి ముఖ్య అతిథిగా హాజర‌యి ఐసిసి మెన్స్ టి20 వరల్డ్ కప్ సందర్బాన్ని పురస్కరించుకుని శ‌నివారం ట్యాంక్ బండ్ వద్ద ఆవిష్కరించారు.
ఈ కార్యక్రమానికి తెలంగాణ ఐ & సి మరియు ఐటి, ముఖ్య కార్యదర్శి, శ్రీ జయేశ్ రంజన్, హైదరాబాద్ క్రికెట్ అసోసియేషన్, అధ్యక్షుడు, మహమ్మద్ అజహరుద్దీన్, సౌత్ ఇండియా, పెర్నోడ్ రికార్డ్ ఇండియా (ప్రై) లిమిటెడ్ జోనల్ హెడ్ ఉదిత్ దుగర్,
తెలంగాణ & ఎపి, పెర్నోడ్ రికార్డ్ ఇండియా (ప్రై) లిమిటెడ్ రీజినల్ హెడ్ గోపాల్ అకోట్కర్ హాజర‌య్యారు.
ప్రపంచంలోనే అతిపెద్ద క్రికెట్ బ్యాట్ గా ఏర్పాటు చేసిన ఇది… 56.1 అడుగుల పొడవుతో, పోప్లర్ వుడ్తో తయారు చేయబడింది. దీని బరువు సుమారు 9 టన్నులు ఉంటుంది. బిఎస్ఎల్ ఈవెంట్ దీనిని తయారు చేశారు. ఇది ఏర్పాటు చేయ‌డానికి దాదాపు ఒక నెల పట్టింది. ఐసిసి పురుషుల టి-20 ప్రపంచ కప్లో పాల్గొంటున్న భారత టి-20 క్రికెట్ జట్టుకు సీగ్రామ్స్ రాయల్ స్టాగ్ బాటిల్డ్ వాటర్ ఈ బ్యాట్ ను అంకితం చేస్తోంది. పెర్నోడ్ రికార్డ్ ఇండియా (ప్రై) లిమిటెడ్ తరపున శ్రీ ఉదిత్ దుగర్, శ్రీ గోపాల్ అకోట్కర్లు తెలంగాణ ప్రభుత్వానికి ఈ బ్యాట్ ను అధికారికంగా అందజేశారు. ఈ బ్యాట్ హైదరాబాద్ లోని ట్యాంక్ బండ్ రోడ్డులో, క్రికెట్ అభిమానులు భారత టీ 20 జట్టుకు తమ మద్దతు తెలపడం కోసం, ప్రజల సందర్శన కోసం మరియు వారిలో ఒక టెంపోను పెంచేందుకు దీనిని ఏర్పాటు చేయడం జరిగింది.
ఈ సందర్భంగా అరవింద్ కుమార్ మాట్లాడుతూ.. ఈ ప్రపంచంలోని అతి పెద్ద బ్యాట్.. ఇండియా – పాకిస్తాన్ మధ్య జరగబోతున్న మ్యాచ్ కారణంగా, రేపే మనం దీపావళి వేడుకలు జరుపుకోనున్నట్లు తెలిపారు. కన్నుల పండుగగా ఉన్న ఈ బ్యాట్ను ఆస్వాదించడానికి సండే ఫండేకి వచ్చే ప్రజల కోసం మేము ట్యాంక్ బండ్‌పై బ్యాట్ ను ప్రదర్శన కోసం ఏర్పాటు చేస్తున్నామ‌ని తెలిపారు. ఆ తర్వాత ఈ బ్యాట్ ను ఉప్పల్ స్టేడియంలో ఉంచాలని మేము అజార్ భాయ్ ను అభ్యర్థించామని పేర్కొన్నారు. హైదరాబాద్ కు ఈ బ్యాట్ ఒక గర్వించదగ్గ విషయం, దీనిని ప్రదర్శించడానికి హైదరాబాద్ నగరాన్ని ఎంపిక చేసుకున్నందుకు నేను పెర్నోడ్ రికార్డ్ను మనస్పూర్తిగా అభినందిస్తున్నాన‌ని తెలిపారు.
జయేశ్ రంజన్ మాట్లాడుతూ.. “ఈ సందర్భంగా నేను పెర్నోడ్ రికార్డ్ని అభినందిస్తున్నాను, ఎందుకంటే, ప్రపంచ రికార్డు ఉన్న ఈ అరుదైన బ్యాట్ను వారు భారతదేశంలోని ఏ ప్రాంతంలోనైనా ఉంచవచ్చు, కానీ వారు హైదరాబాద్నే ఎంచుకున్నారు, ఇది చాలా గర్వించదగ్గ విషయం. రికార్డ్ సృష్టించిన ఈ బ్యాట్ హైదరాబాద్లో శాశ్వతంగా ప్రదర్శించబడుతుంది..
మన జట్టు ఫామ్, వారు ఆడిన క్రికెట్ మరియు వార్మప్ మ్యాచ్లలో ఆస్ట్రేలియా మరియు ఇంగ్లాండ్లపై వారు సాధించిన విజయాలు చూస్తుంటే, వారు అదే ఫామ్ని కొనసాగించి మరియు నవంబర్ 14న వరల్డ్ కప్లో ఫైనల్స్ రోజును మనం ఘనంగా జరుపుకుంటాం అని భావిస్తున్నాను. భారత్కు కప్ వస్తుందన్న నమ్మకం ఉంది. భారత్ జట్టు గ్రూప్ ‘బి’లో ఉంది, ఆ గ్రూప్లో పాకిస్థాన్ మరియు న్యూజిలాండ్లు మాత్రమే బలమైన జట్లు, ఇతర జట్లకు భారత్తో తలపడేంత సామర్థ్యం లేదు. ఒక రకంగా చెప్పాలంటే టోర్నీ ప్రారంభ దశలో రెండు బలమైన జట్లతో ఆడే భారత్కు ఇది ఒక సువర్ణావకాశం. మనం పాకిస్తాన్ మరియు న్యూజిలాండ్లను ఓడించగలిగితే, మనం సెమీ-ఫైనల్స్కు సులభంగా చేరుకోగలుగుతాము, ప్రస్తుత భారత జట్టు ఫామ్ చూస్తుంటే, భారతదేశం పైచేయి సాధిస్తుందని నేను చెప్పగలను, వారి అద్భుతమైన ఫామ్ మరియు గత సంవత్సరం ఆస్ట్రేలియా మరియు ఈ సంవత్సరం ఇంగ్లండ్లో సాధించిన విజయాలు ఇంకా తాజాగా ఉన్నాయి, ఐపీఎల్లో కూడా మన ఆటగాళ్లు అద్భుతమైన ఫామ్ని ప్రదర్శించారు. రోహిత్ శర్మ, కేఎల్ రాహుల్, రిషబ్ పంత్లు భీకర ఫామ్లో ఉన్నారు, అదే ఫామ్ను కనుక కొనసాగించినట్లయితే పాకిస్థాన్పై అద్భుత విజయాన్ని నమోదు చేయవచ్చు. నేను గత మూడు దశాబ్దాలుగా భారత్ – పాకిస్తాన్ మ్యాచ్లను మిస్ కాకుండా చూస్తున్నాను, ఈ మ్యాచ్లు ఎల్లప్పుడూ కూడా ప్రత్యేకమైనవి, రెండు జట్లు తమ అత్యుత్తమ ఆటగాళ్లను కలిగి ఉంటాయి, అత్యుత్సాహంతో మ్యాచ్ను గెలవడానికి ప్రయత్నిస్తాయి, కానీ ప్రస్తుత ఫామ్ని కనుక పరిగణనలోకి తీసుకుంటే మనం కూడా వాస్తవంగా ఉండాలి, ఆ జట్టులో కూడా బాబర్ అజామ్, షహీన్ అఫ్రిది, యాసీర్ షా వంటి కొంతమంది మంచి ఆటగాళ్లు ఉన్నారు, కానీ భారత ఆటగాళ్లు వారికంటే మెరుగైన ఫామ్ను కలిగి ఉన్నారు మరియు మొత్తం ప్రపంచ కప్కు మరీ ప్రత్యేకించి పాకిస్తాన్తో జరిగే మ్యాచ్ కోసం భారత జట్టుకు నా శుభాకాంక్షలు“ అని పేర్కొన్నారు.
మహమ్మద్ అజహరుద్దీన్ మాట్లాడుతూ.. “9000 కిలోల బరువున్న ఈ బ్యాట్ ను తయారు చేసినందుకు పెర్నోడ్ రికార్డ్ను అభినందిస్తున్నాను, ఈ బ్యాట్ బరువు గురించి తెలుసుకుని ఆశ్చర్యపోయాను. ఒక హైదరాబాదీగా, ఈ ఐకానిక్ బ్యాట్ను హైదరాబాద్లోనే తయారు చేసినందుకు చాలా సంతోషంగా ఉన్నది. దీనిని గిన్నిస్ వరల్డ్ రికార్డ్ కూడా ధృవీకరించబడినందున మరింత ఆనందంగా ఉన్నది. ఈ చారిత్రాత్మిక బ్యాట్ను రూపొందించడానికి మీరు వెచ్చించిన సమయం, కృషి మరియు ప్రణాళికలకు మీరు రివార్డ్కు అర్హులు. టి-20 వరల్డ్ కప్లో రేపు పాకిస్తాన్తో జరిగే మ్యాచ్ కోసం భారత క్రికెట్ జట్టుకు నా హృదయపూర్వక శుభాభినందనలు…` అని పేర్కొన్నారు.