శబ్బాష్ గంగవ్వ …
బిగ్ బాస్ షో రోజు రోజుకు రసవత్తరంగా సాగుతోంది. ఈ సారి అందులో పాల్గొన్న వారందరిలో గంగవ్వ ప్రత్యేకంగా వుంది.. దీంతో వీక్షకుల సంఖ్య కూడా పెరిగింది. ప్రారంభం లో వాతావరణం తట్టుకోలేక గంగవ్వ కొంత అనారోగ్యానికి గురైంది.. దీంతో తనను ఇంటికి పంపమని గంగవ్వ నాగార్జునకు, బిగ్ బాస్ కు చెప్పుకుంది. ఆ సమయం లో ఇంటికి పంపండని సామాజిక మాధ్యమాల్లో వినతులు వెల్లువలా వచ్చాయి. కానీ ఆమెను అంత సులువుగా వదిలించుటకునే పరిస్థితి లేదు. వెంటనే ప్రత్యేక ఏర్పాట్లు చేసి.. వైద్యులను పిలిపించి ఆమెకు వైద్యం చేయించారు.. ఇక అప్పటి నుంచి గంగవ్వ కూడా ఉల్లాసంగా కనిపిస్తుంది. నాగార్జున కూడా గంగవ్వతో మాట్లాడుతూ ఆమెను ఒక సోదరిగా భావిస్తున్నట్టు చెప్పారు. హౌస్ లో వున్నవారిని ఎవరిని నమ్మకు, ఏ సందేహం వున్నా బిగ్ బాస్ తో చెప్పుకో అని సలహా ఇచ్చారు.. అప్పటి నుంచి ఆటలో గంగవ్వదే ఒక ప్రత్యేకత. ఒక వైపు గంగవ్వను బిగ్ బాస్ కంటికి రెప్పలా చూసుకుంటున్నారు. ఇక తనకు సాధ్యమైనంత వరకు ఆటను ఆడటానికి గంగవ్వ కట్టుబడి వుంది. తెలంగాణా యాస, నిజాయితీ, పట్టుదల ఆమెలో కనిపిస్తున్నాయి.. ఆటకు కావలసిన దుస్తులను కూడా వేసుకుని.. అందరిని ఆకట్టుకుంటుంది.. ముక్కు సూటిగా మాట్లాడటం గంగవ్వ తత్వం. అదే ఆమెను ఈ స్థాయికి తీసుకు వచ్చింది.. మట్టిలో మాణిక్యంలా వుండే గంగవ్వకు ఈ స్థాయి అవకాశాలు రావడానికి మూలం మై విల్లెజ్ షో నిర్వాహకులు శ్రీకాంత్. కె దక్కుతుంది.. శ్రీకాంత్ ద్వారా పైకి వచ్చిన వారిలో అనీల్ జీల, రాజు, అంజిమామ, శివ లాంటి వారు ఎందరో వున్నారు. వారందరిని ఈ సందర్బంగా అభినడుస్తున్నాం. వారంతా గంగవ్వ విజయానికి వెన్ను దన్నుగా వున్నారు.. గంగవ్వ వాళ్ళ గ్రామాలలో టి.వి. ప్రేక్షకులు, బిగ్ బాస్ రేటింగ్ పెరిగింది.. ఈ నేపధ్యం లో గంగవ్వ కంటున్నా స్వంత ఇల్లు కల కూడా నిజం కావడం ఎంతో దూరం లో లేదు.