రామ‌గుండం,కేర‌ళ‌లోని సౌర‌విద్యుత్‌ ప్రాజెక్ట్స్‌ జాతికి అంకితం చేసిన‌ ప్ర‌ధాని మోడీ

రంగారెడ్డి (CLiC2NEWS): రామ‌గుండం ఎన్‌టిపిసి జ‌లాశ‌యంపై నిర్మించిన తేలియాడే సౌర విద్యుత్తు ప్రాజెక్టును ప్ర‌ధాని న‌రేంద్ర మోడీ జాతికి అంకితం చేశారు. రంగారెడ్డి జిల్లా కందుకూరు మండ‌లంలో ఉజ్వ‌ల భార‌త్‌- ఉజ్వ‌ల భ‌వ‌ష్య‌త్ కార్య‌క్ర‌మాన్ని నిర్వ‌హించారు. ఈ సంద‌ర్బంగా విద్యుత్ వినియోగదారుల‌ను ఉద్దేశించి మోడీ వ‌ర్చువ‌ల్ వేదిక‌గా ప్ర‌సంగించారు. రామ‌గుండంలోని ఈ 100 మెగావాట్ల సౌర విద్యుత్ ప్రాజెక్ట్‌తో పాటు కేర‌ళ‌లోని 92 మెగావాట్ల ప్రాజెక్టును జాతికి అంకితం చేశారు. దీంతో పాటు రాజ‌స్థాన్‌లో 735 మెగావాట్ల సోలార్ ప్రాజెక్టు, గుజ‌రాత్‌లోని హైడ్రోజ‌న్ ఫిల్లింగ్ స్టేష‌న్ల‌కు శంకుస్థాప‌న చేశారు.