సామూహిక జాతీయ గీతాలాపనలో పాల్గొన్న ఎమ్మెల్యే కోనేరు

కాగ‌జ్‌న‌గ‌ర్ (CLiC2NEWS): కొమురం భీమ్ ఆసిఫాబాద్ జిల్లా కాగజ్ నగర్ పట్టణం లోని రాజీవ్ గాంధీ చౌరస్తా వద్ద జ‌రిగిన సామూహిక జాతీయ గీతాలాప‌న కార్య‌క్ర‌మంలో ఎమ్మెల్యే కోనేరు కోన‌ప్ప పాల్గొన్నారు. 75వ స్వాతంత్ర భార‌త వ‌జ్రోత్స‌వాల‌లో భాగంగా సిఎం కెసిఆర్ ఇచ్చిన పిలుపు మేర‌కు మంగ‌ళ‌వారం ఉద‌యం 11.30 గంట‌ల‌కు సామూహిక జాతీయ గీతాలాపన నిర్వ‌హించారు. ఈ సంద‌ర్భంగా ఎమ్మెల్యే మాట్లాడుతూ.. స్వాతంత్య్ర‌ సమరయోధుల పోరాట స్పూర్తితో నేటి యువత ముందుకు సాగాలని, జాతి నిర్మాణంలో ప్రజలందరూ భాగస్వాములు కావాలని కోరారు. అనంత‌రం విద్యార్థులు చేసిన నృత్యాలు చూపారులను ఎంతగానో ఆకట్టుకున్నాయి. ఈ కార్యక్రమంలో డీఎస్పీ కరుణాకర్, ప్రభుత్వ ఉన్నతాధికారులు, స్థానిక ప్రజాప్రతినిధులు, నాయకులు, కార్యకర్తలు, హాస్ట‌ల్‌ వార్డన్ చందన, పట్టణ ప్రజలు పాల్గొన్నారు.