కేంద్ర మంత్రి స్మృతి ఇరానీకి కరోనా పాజిటివ్
న్యూఢిల్లీ : దేశంలో కరోనా రోజురోజుకి విజృంభిస్తోంది. ఇప్పటికే పలువురు కేంద్ర మంత్రులు, రాష్ర్టాల మంత్రులు, పలువురు ప్రజాప్రతినిధులు, ప్రముఖులు ఈ మహమ్మారి బారిన పడ్డారు. తాజాగా కేంద్ర మంత్రి స్మృతి ఇరానీకి కరోనా పాజిటివ్ అని నిర్ధారణ అయింది. దీంతో ఆమె స్వీయ గృహ నిర్బంధంలోకి వెళ్లిపోయారు. ఈ మేరకు కేంద్ర మంత్రి ట్విట్టర్లో పోస్టు చేశారు. తనతో టచ్లోకి వచ్చిన వారు వెంటనే కరోనా పరీక్షలు నిర్వహించుకోవాలని ఆమె విజ్ఞప్తి చేశారు. “ఓ ప్రకటన చేస్తున్నప్పుడు పదాల కోసం శోధించడం నాకు చాలా అరుదు; అందుకే నేను దీన్ని సరళంగా చెబుతున్నా.. నాకు పాజిటివ్ అని తేలింది. నాతో టచ్లో ఉన్నవారు త్వరగా పరీక్షించుకోమని విజ్ఞప్తి చేసు్తన్నా..“ అని ట్వీట్ చేశారు
It is rare for me to search for words while making an announcement; hence here’s me keeping it simple — I’ve tested positive for #COVID and would request those who came in contact with me to get themselves tested at the earliest 🙏
— Smriti Z Irani (@smritiirani) October 28, 2020