నిమిషానికి 370 కొత్త కేసులు.. 7 మరణాలు

న్యూఢిల్లీ: క‌రోనా మ‌హ‌మ్మారి రోజురోజుకి విజృంభిస్తోంది. ఈ మ‌హ‌మ్మారి వైర‌స్ దెబ్బ‌కి మొత్తం ప్ర‌పంచం అతలాకుత‌లం అవుతోంది. ఇప్ప‌టికే ప‌లు దేశాలు రెండో సారి లాక్‌డౌన్ విధించాయి. అయినా ఎప్ప‌టిక‌ప్పుడు కేసులు విజృంభిస్తునే ఉన్నాయి. ఇప్పటికే ప్రపంచంలో కరోనా కేసులు 5.60 కోట్లు నమోదయ్యాయి. ఇక మరణాల సంఖ్య 13.42 లక్షలు దాటింది. కరోనా కేసుల సంఖ్య పెరుగుతున్న నేపథ్యంలో ప్రపంచంలోని అనేక దేశాలు మరిన్ని కఠిన చర్యలు తీసుకుంటున్నాయి. ఇక ఇదిలా ఉంటె, తాజా సమాచారం ప్రకారం ప్రపంచంలో ప్రతి నిమిషానికి 370 కొత్త కరోనా కేసులు నమోదవుతుండగా, ప్రతి నిమిషానికి కరోనాతో ఏడుగురు మృతి చెందుతున్నారు. ప్రపంచంలో నిన్న ఒక్కరోజు 5,34,870 కేసులు నమోదు కాగా, కరోనాతో 10,230 మంది మరణించారు.