కాంగ్రెస్‌ సీనియర్‌ నేత అహ్మద్‌ పటేల్‌ ఇకలేరు.

గుర్గావ్‌ : ఇటీవల కాంగ్రెస్‌ పార్టీ సీనియర్‌ నేత తరుణ్‌ గోగోరు మరణాన్ని జీర్ణించుకోక ముందు మరో సీనియర్‌ నేత, రాజ్యసభ సభ్యులు అహ్మద్‌ పటేల్‌ (71)మృత్యువాత పడ్డారు. గత నెల 1న ఆయనకు కరోనా సోకగా… మేదాంత ఆసుపత్రిలో చికిత్స పొందుతూ వున్నారు. గత కొద్ది రోజులుగా ఆయన శరీరంలో పలు అవయవాలు సవ్యంగా పనిచేయడకపోవడంతో ఆరోగ్యం క్షీణించింది. చికిత్స పొందుతూ బుధవారం తెల్లవారు జామున కన్నుమూశారు. ఈ విషయాన్ని ఆయన కుమారుడు ఫైజల్‌ పటేల్‌ ట్వీట్‌ చేశారు. అహ్మద్‌ కాంగ్రెస్‌ అధినేత్రి సోనియా గాంధీకి అత్యంత సన్నిహిత రాజకీయ సలహాదారు. ‘నా తండ్రి అహ్మద్‌ పటేల్‌ ఈ రోజు తెల్లవారు జామున 3.30గంటలకు మృతి చెందారు. ఆయన అకాల మరణం మమల్ని తీవ్ర ఆవేదనకు గురి చేసింది. నెల రోజుల క్రితం కరోనా ఉన్నట్లు నిర్ధారణ అయ్యింది. అనంతరం ఆరోగ్యం క్షీణించడంతో కన్నుమూశారు’ అంటూ భావోద్వేగపూరిత ట్వీట్‌ చేశారు. ఆయన మరణంతో కాంగ్రెస్‌ మరో దిగ్గజ నాయకుడ్ని కోల్పోయినట్లయింది. ఆయన మృతికి ప్రధాని మోడీ, కాంగ్రెస్ నేతలు సంతాపం తెలిపారు.