ట్రాక్టర్ తిరగబడి… యువకుడు మృతి…

మండపేట రూరల్:-  కుతవేటు దూరం లో తాము కౌలు చేసే చెను కు చేరుకొనే లోపే ఆ యువకుడి ఆయువు తీరింది. మండపేట మండలం ఆర్తమురు లో ఆదివారం ఉదయం ట్రాక్టర్ మురికి కల్వ లో బోల్తా కొట్టిన ఘటన లో ఓ యువకుడు మృతి చెందాడు. రూరర్ ఎస్ ఐ పీతల దొరరాజు కధనం ప్రకారం వివరాలు ఇలా ఉన్నాయి. మండపేట మండలం చిన ద్వార పూడి కి చెందిన చిట్టూరి శ్రీ రాములు ఆర్తమురు లో వ్యవసాయ పొలం కౌలు చేస్తున్నాడు. ఈ నేపద్యంలో పొలం లో ఉన్న  ట్రాక్టర్ ట్రక్కు ను తీసుకొని రావడం కోసం ట్రాక్టర్ పై తన కుమారుడు చిట్టూరి శివ రామ కృష్ణ(20) ను దుళ్ళ కు చెందిన ట్రాక్టర్ డ్రైవర్ పిచ్చుక చిన వెంకట్రావు తో పంపాడు. ఆర్తమురు పడాల సుబ్బారెడ్డి పౌల్ట్రీ ఫారం సమీపంలో ఉన్న స్మశానం ల వద్ద ఉన్న మురికి కల్వ మలుపు వద్ద కు వచ్చేసరికి ట్రాక్టర్ అదుపు తప్పింది. డ్రైవర్ చిన వెంకట్రావు ప్రమాదాన్ని పసిగట్టి ట్రాక్టర్ నుండి దుకేశాడు. మరోవైపు కూర్చొని ఉన్న శివ రామకృష్ణ ట్రాక్టర్ లోనే ఉండిపోయాడు. ట్రాక్టర్ బోల్తా కొట్టి కింద ఇరుక్కుపోయాడు. తలకు తీవ్రమైన గాయమైంది.కొద్దీ సేపటికే మృతి చెందాడు. స్థానికులు అతన్ని కాపాడేందుకు విశ్వ ప్రయత్నం చేసినా ఫలించలేదు. మరి కొన్ని నిమిషాల్లో గమ్యం చేరుకుంటారనే సమయంలో మృత్యువాత పడటం అందరిని కలచివేసింది. ఈ మేరకు ఎస్ ఐ దొరరాజు కేసు నమోదు చేసి దర్యాప్తు చేస్తున్నారు.