TS Corona: కొత్తగా 7,646 కేసులు.. 53 మ‌ర‌ణాలు

హైదరాబాద్‌ (CLiC2NWS): తెలంగాణ రాష్ట్రంలో కరోనా వైరస్‌ ఉధృతి కొనసాగుతున్నది. గడిచిన 24 గంటల్లో రాష్ట్రంలో 77,091 పరీక్షలు నిర్వ‌హంచిగా 7,646 పాజిటివ్‌ కేసులు నమోదయ్యాయి. ఈ మేర‌కు శుక్ర‌వారం ఉద‌యం వైద్య, ఆరోగ్యశాఖ క‌రోనా బులిటెన్‌లో విడుద‌ల చేసింది. తాజాగా నమోదైన కేసులతో రాష్ట్రంలో మొత్తం పాజిటివ్‌ కేసుల సంఖ్య 4,35,606కు పెరిగాయి. రాష్ట్రంలో కొత్త‌గా 53 మంది ప్రాణాలు కోల్పోయారు. ఇప్పటి వరకు మొత్తం 2,261 మంది మహమ్మారి బారినపడి ప్రాణాలు కోల్పోయారు. కొత్తగా 5,926 మంది మహమ్మారి నుంచి కోలుకొన్నారు. ఇప్పటి వరకు 3,55,618 మంది కోలుకున్నారు. ప్రస్తుతం రాష్ట్రంలో 77,727 యాక్టివ్‌ కేసులున్నాయని పేర్కొంది.

కొత్తగా నమోదైన కేసుల్లో అత్యధికంగా జీహెచ్‌ఎంసీలో 1,441 కేసులు నమోదయ్యాయి. ఆ తర్వాత మేడ్చల్‌ మల్కాజ్‌గిరిలో 631, రంగారెడ్డిలో 484, సంగారెడ్డిలో 401, నిజామాబాద్‌లో 330, నల్గొండలో 285, సిద్దిపేటలో 289, సూర్యాపేటలో 283, మహబూబ్‌నగర్‌లో 243, జగిత్యాలలో 230 కేసులు రికార్డయ్యాయి.