వ్యాన్‌ను ఢీకొట్టిన బైక్‌.. ఇద్దరు మృతి
హైదరాబాద్ (CLiC2NEWS): హైదరాబాద్ న‌గ‌ర శివార్లలోని దుండిగల్‌లో ఘోర రోడ్డు ప్రమాదం జరిగింది. దుండిగల్‌ పరిధిలోని బౌరంపేట్‌లో ఆగి ఉన్న వ్యాన్‌ను ఓ బైకు ఢీకొట్టింది. ఈ ప్ర‌మాదంలో ఇద్దరు వ్య‌క్తులు ఘ‌ట‌నాస్థ‌లంలోనే మృతిచెందారు. విష‌యం తెలుసుకున్న పోలీసులు ఘటనా స్థలానికి చేరుకుని మృతదేహాలను పోస్టుమార్టం నిమిత్తం ఆసుప‌త్రికి తరలించారు. మృతులను ప్రమోద్‌ రెడ్డి, సైని రెడ్డిగా గుర్తించారు. ఈ ఘటనపై పోలీసులు కేసు నమోదుచేసి దర్యాప్తు చేస్తున్నారు.