70వేలకు పైగా వ్యూస్ తో దూసుకుపోతున్న వీడియో!
హైద‌రాబాద్ (CLiC2NEWS): మంత్రి కెటిఆర్ సోష‌ల్ మీడియాలో బాగా యాక్టివ్‌గా ఉంటూ అనేక అంశాల మీద పోస్టింగ్ లు పెడుతూ ఉంటారు. అలాంటి కెటిఆర్‌నే ఈ మ‌ధ్య‌న ఓ వీడియో బాగా ఆక‌ట్టుకుంది.
`ఒక దార్శనికుడి సంకల్పం ఈనాటి పల్లెల పచ్చని మందహాసం` పేరుతో తెలంగాణ ఏర్ప‌డిన త‌ర్వాత గ్రామాల్లో వ‌చ్చిన మార్పుల‌ను వివ‌రిస్తూ సీనియర్ పాత్రికేయుడు ఎస్జీవీ శ్రీ‌నివాస‌రావు రూపొందించిన వీడియో మంత్రి కేటిఆర్‌ను ఆక‌ర్షించింది.
దాంతో మంత్రి కెటిఆర్ త‌న ట్విట్ట‌ర్ అకౌంట్‌లో స్వ‌యంగా పోస్టు చేశారు. తెలంగాణ రాష్ట్రంలో జ‌రుగుతున్న ప్ర‌గ‌తిని క‌ళ్ల‌కు క‌ట్టిన‌ట్టుగా సాగిన ఆ వీడియో.. తొలి తెలంగాణ అసెంబ్లీలో కెసిఆర్ మాట‌ల‌తో ఆ వీడియో ప్రారంభ‌మ‌వుతుంది.
దీక్ష, పట్టుదల, చిత్తశుద్ధితో మొద‌లెట్టిన ప్రతి పనిలోనూ విజయం సాధిస్తూ పార్టీలకతీతంగా ప్రతి ఒక్కరి ప్రశంసలు అందుకుంటున్న సిఎం కెసిఆర్ అంతర్జాతీయ యువనికపై తెలంగాణ కీర్తి పతాకాన్ని రెపరెపలాడిస్తున్నారు. స్వరాష్ట్రంలో స్వర్ణయుగానికి బాటలు పరుస్తున్నారు. నిజంగా ఇవాళ తెలంగాణలో కేసీఆర్‌ విప్లవం నడుస్తోంది. తెలంగాణ ప్ర‌గ‌తిని ఈ వీడియోలో క‌ళ్ల‌కు క‌ట్ట‌న‌ట్లుగా సీనియర్ పాత్రికేయుడు ఎస్జీవీ శ్రీ‌నివాస‌రావు రూపొందించారు.
మంత్రి కెటిఆర్ స్వ‌యంగా పోస్ట్ చేయ‌డంతో ఇప్పుడా వీడియో సోష‌ల్ మీడియాలో వైర‌ల్‌గా మారింది, నెట్టింట్లో వీడియో ఏకంగా 70 వేలకు పైగా వ్యూస్‌తో నెట్టింట్లో హ‌ల్‌చ‌ల్ చేస్తోంది.
మీరు ఆ వీడియోని ఓ లుక్కేయండి…
ఒక దార్శనికుడి ఆనాటి సంకల్పం…
ఈనాటి పల్లెల పచ్చని మందహాసం!Nice video by SGV Srinivasa Rao Garu 👏👏 pic.twitter.com/fsdPTWpBne
— KTR (@KTRTRS) October 16, 2021