ఎస్పీ బాలుకు భారతరత్న ఇవ్వండి

తాడేపల్లి: గాన గంధర్వుడు ఎస్పీ బాలసుబ్రమణ్యంకు భారతరత్న ఇవ్వాలనే డిమాండ్ రోజురోజుకూ పెరుగుతోంది. ఇప్పటికే సినీ, రాజకీయ ప్రముఖులు పలువురు కేంద్ర ప్రభుత్వానికి విజ్ఞప్తి చేసిన విషయం తెలిసిందే. తాజాగా ఏపీ సీఎం వైఎస్ జగన్ మోహన్ రెడ్డి కూడా బాలుకు భారతరత్న ఇవ్వాలని కేంద్ర ప్రభుత్వానికి విజ్ఞప్తి చేశారు. ఈ మేరకు సోమవారం సాయంత్రం ప్రధాని నరేంద్ర మోదీకి జగన్ లేఖ రాశారు. భార‌త సినీ ప‌రిశ్ర‌మ‌కు ఎస్పీ బాలు విశేష సేవ‌లందించార‌ని గుర్తు చేశారు. దాదాపు 40 వేల‌కు పైగా ప‌లు భాష‌ల్లో పాట‌లు పాడార‌ని పేర్కొన్నారు. కాగా, అనారోగ్యం కారణంగా ఎస్పీ బాలు చెన్నైలోని ఎంజీఎం ఆస్పత్రిలో శుక్రవారం మధ్యాహ్నం కన్నుమూసిన సంగతి తెలిసిందే.

(త‌ప్ప‌క చ‌ద‌వండిః టి. వేదాంత సూరి : పివి, బాలు ఇద్ద‌రూ ఇద్ద‌రే!)