India Corona: కొత్త‌గా 2.68 ల‌క్ష‌ల కేసులు
న్యూఢిల్లీ (CLiC2NEWS): దేశంలో క‌రోనా కేసులు రోజురోజుకి పెరిగిపోతున్నాయి. తాజాగా గ‌డిచిన 24 గంట‌ల వ్య‌వ‌ధిలో దేశంలో 16.13 ల‌క్ష‌ల మందికి క‌రోనా నిర్ధార‌ణ ప‌రీక్ష‌లు జ‌రుప‌గా.. వారిలో 2,68,833 మందికి క‌రోనా పాజిటివ్‌గా నిర్ధార‌ణ అయింది. ఈ మేర‌కు శ‌నివారం ఉద‌యం కేంద్ర ఆరోగ్య‌శాఖ క‌రోనా బులిటెన్ విడుద‌ల చేసింది. మ‌రోవైపు దేశంలో ఒమిక్రాన్ కేసుల సంఖ్య 6041కి పెరిగింది.
దేశంలో కొత్త‌గా న‌మోద‌వుతున్న కేసుల సంఖ్య భారీగా పెరుగుతుండ‌టంతో ప్ర‌స్తుతం యాక్టివ్ కేసుల సంఖ్య 14 ల‌క్ష‌లు దాటాయి. గ‌డిచిన 24 గంట‌ల వ్య‌వ‌ధిలో దేశంలో 1.22 ల‌క్ష‌ల‌కు పైగా రోగులు క‌రోనా నుంచి కోలుకున్నారు.
అలాగే కొత్త‌గా 24 గంట‌ల వ్య‌వ‌ధిలో దేశంలో 402 మంది క‌రోనా నుంచి మృతిచెందారు. ఇప్ప‌టి వ‌రకు దేశంలో మొత్తం 4.85 ల‌క్ష‌ల మంది క‌రోనాతో మృతి చెందారు.