దేశంలో మ‌ళ్లీ 3ల‌క్ష‌ల‌కు పైనే కొవిడ్ కొత్త‌కేసులు
ఢిల్లి (CLiC2NEWS): దేశంలో గ‌త కొన్ని రోజుల‌నుండి 3ల‌క్ష‌ల‌కుపైనే క‌రోనా కేసులు న‌మోద‌వుతున్నాయి. గ‌డిచిన 24 గంటల్లో 14 ల‌క్ష‌ల మందికి నిర్థార‌ణ ప‌రీక్ష‌లు నిర్వ‌హించ‌గా.. 3,06,064 మందికి క‌రోనా పాజిటివ్‌గా నిర్థార‌ణ‌య్యింది. నిన్న పాజిటివిటీ రేటు 17.7% ఉండ‌గా ఈరోజు 20.7%కు పెరిగింది. కొవిడ్ ప‌రీక్ష‌ల‌కు వ‌చ్చే ప్ర‌తి ఐదుగురులో ఒక‌రికి పాజిటివ్ ఉంటుంది.
దేశంలో అత్య‌ధికంగా క‌ర్ణాట‌క‌లో 50వేల కేసులు న‌మోద‌య్యాయి. గ‌డిచిన 24 గంటల్లో 439 మంది క‌రోనా వైర‌స్‌తో ప్రాణాలు కోల్పోయారు. ఈమేర‌కు కేంద్ర ఆరోగ్య శాఖ వివ‌రాలు వెల్ల‌డించింది. నిన్న ఒక్క‌రోజులో 2,43,495 మంది క‌రోనా నుండి కోలుకున్నారు. దేశంలో ప్ర‌స్తుతం 22 ల‌క్ష‌ల యాక్టివ్ కేసులున్నాయి.