India Corona: కొత్త‌గా 2.51 ల‌క్ష‌ల కేసులు
న్యూఢిల్లీ (CLiC2NEWS): దేశంలో క‌రోనా వ్యాప్తి కొన‌సాగుతోంది. గ‌త మూడు రోజులుగా మూడు ల‌క్ష‌ల‌కు దిగువ‌నే కేసులు న‌మోద‌వుతున్నాయి. గ‌త 24 గంట‌ల వ్య‌వ‌ధిలో 15 ల‌క్ష‌ల మందికి క‌రోనా నిర్ధార‌ణ ప‌రీక్ష‌లు జ‌రుప‌గా 2,51,209 పాజిటివ్ కేసులు న‌మోద‌య్యాయి. తాజా కేసుల‌తో క‌లిపి దేశంలో మొత్తం కేసుల సంఖ్య 4,06,22,708కి చేరాయి. ఈ మేర‌కు శుక్ర‌వారం కేంద్ర ఆరోగ్య‌శాఖ క‌రోనా బులిటెన్ విడుద‌ల చేసింది.
గ‌త 24 గంట‌ల్లో కొత్త‌గా 627 మంది మ‌ర‌ణించారు. తాజా మ‌ర‌ణాల‌తో క‌లిపి దేశంలో ఇప్ప‌టి వ‌ర‌కు 4,92,327 మంది బ‌ల‌య్యారు.
గ‌త 24 గంట‌ల్లో దేశంలో 3,47,443 మంది కోలుకున్నారు. ఇప్ప‌టి వ‌ర‌కు దేశంలో 3,80,24,771 మంది కోలుకున్నారు.
ప్ర‌స్తుతం దేశంలో 21,05,611 కేసులు యాక్టివ్ గా ఉన్నాయి.